ՍիվիլՆեթ
«ՍիվիլՆեթը» առցանց հեռուստատեսություն է, որի լուսաբանման առանցքում Հայաստանում մարդու իրավունքների, ժողովրդավարության, տարածաշրջանային խաղաղության և սփյուռքի խնդիրներն են։ «ՍիվիլՆեթը» «Սիվիլիթաս» հիմնադրամի ծրագիրն է, գործում է 2011-ի սեպտեմբերի 21-ից։
Լրատվամիջոցը ներկայացնում է լուրեր, հարցազրույցներ, վերլուծություններ, վիդեոպատմություններ, հետաքննություններ և այլն։ Ընթերցողներ ու դիտողներ ունի Հայաստանում և սփյուռքում։
Վերջին տարիներին «ՍիվիլՆեթը» մեծ ուշադրություն է դարձնում փաստերի ստուգմանը․ 2021 թվականի դեկտեմբերից գործում է Civilnet Check-ը (#CivilNetCheck)՝ «ՍիվիլՆեթի» փաստերի ստուգման ստորաբաժանումը, որի հիմնական առաքելությունն է Հայաստանում կեղծ լուրերի դեմ պայքարը, ապատեղեկատվության և մանիպուլյացիաների բացահայտումն ու հանրության իրազեկումը, փաստերի ստուգման լրագրության զարգացումը։
2024-ի հուլիսից #CivilNetCheck-ը սկսել է համագործակցել Meta-ի հետ։ Փաստեր ստուգողները Facebook-ում և Instagram-ում ստուգում և գնահատում են հրապարակված բովանդակությունը և սխալ, մոլորեցնող, աղճատված փաստեր հայտնաբերում։
Մինչև 2023 թվականի սեպտեմբերը, «ՍիվիլՆեթը» թիմ ուներ նաև Արցախում։ Արցախցիների բռնի տեղահանությունից հետո թիմի անդամները շարունակում են աշխատանքը Երևանից։
2024-ի վերջին Երևանի քաղաքապետ Տիգրան Ավինյանը դատական հայց է ներկայացրել «Սիվիլիթասի» դեմ՝ ՍիվիլՆեթում հրապարակված «Ավինյանների բիզնեսը՝ պետական գումարների անուղղակի շահառու» հետաքննական հոդվածի հիմքով։ Ավինյանը պահանջում է հերքում և 3 միլիոն դրամ փոխհատուցում։
Հոդվածի հրապարակումից մեկ ամիս անց Ավինյանը, «Ֆակտոր» հեռուստաընկերության եթերում նախկին քաղաքապետ Հայկ Մարությանի հետ բանավեճի ընթացքում անդրադառնալով «ՍիվիլՆեթի» հետաքննական հոդվածին, հայտարարել էր. «Մեդիան մեզ մոտ դառել ա մի հատ մեծ աղբանոց»։ «Սիվիլիթաս» հիմնադրամը դատական հայց է ներկայացրել Երևանի քաղաքապետ Տիգրան Ավինյանի դեմ և պահանջել ուղիղ եթերում հրապարակայնորեն ներողություն խնդրել այդ արտահայտության համար։
«Սիվիլիթասը» քաղաքապետից դրամական փոխհատուցում չի պահանջում։ Երկու գործերն էլ դատարանում են։
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Միջազգային |
| Բովանդակության տեսակ | Անվճար |
| Ակտիվ թափանցիկություն | ընկերությունը/ալիքը պրոակտիվ և ամբողջական հայտնում է սեփականության մասին, տվյալները պարբերաբար թարմացվում են և հեշտությամբ ստուգելի են |
Սեփականություն
| Սեփականության կառուցվածք | «ՍիվիլՆեթը» պատկանում է «Սիվիլիթաս» հիմնադրամին, որի իրական շահառուները, ըստ ներկայացված հայտարարագրի, Միհրան Մինասյանը և Վարդան Օսկանյանն են։ |
|---|---|
| Քվեարկության իրավունք | «Սիվիլիթաս» հիմնադրամն ունի կառավարման երկու հիմնական մարմին՝ Հոգաբարձուների խորհուրդ և Գործադիր մարմին։ Հոգաբարձուների խորհուրդը հիմնադրամի վերահսկող մարմինն է, որն ապահովում է կազմակերպության առաքելության կատարումը։ Խորհրդի նախագահը Միհրան Մինասյանն է։ Նախագահը պատասխանատու է խորհրդի նիստերը նախագահելու, պատշաճ կառավարումն ապահովելու և խորհրդի ու գործադիր ղեկավարության միջև արդյունավետ հաղորդակցություն ապահովելու համար։ Խորհրդի կազմում են Սալբի Հարությունյան-Ղազարյանը և հիմնադրամի հիմնադիր Վարդան Օսկանյանը։ Գործադիր մարմինը պատասխանատու է հիմնադրամի ընդհանուր ամենօրյա ղեկավարման և կառավարման համար։ Աբրահամ Պողիկյանը գործադիր տնօրենն է և պատասխանատու է հիմնադրամի ընդհանուր ղեկավարման և կառավարման համար։ Փոխտնօրեն Կարեն Հարությունյանը աջակցում է գործադիր տնօրենին իր պարտականություններում և հաճախ ստանձնում է ղեկավարումը նրա բացակայության դեպքում։ |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2011 «Սիվիլիթաս» հիմնադրամը ստեղծվել է 2008 թվականին։ Հիմնադիրը քաղաքական գործիչ, արտաքին գործերի նախկին նախարար Վարդան Օսկանյանն է։ Լատիներեն «civilitas» բառը նշանակում է «քաղաքացու պատասխանատվությունը հասարակության առաջ»: Հիմնադրամի նպատակն է աջակցել Հայաստանի պետականության ամրապնդմանը և ժողովրդի բարօրությանն ուղղված ջանքերին, Հայաստանի քաղաքացիների իրավունքների ու պարտականությունների լիարժեք դրսևորմանը։ |
|---|---|
| Գործադիր տնօրեն (CEO) |
|
| Գլխավոր խմբագիր |
|
| Կոնտակտային տվյալներ | Հյուսիսային պողոտա 1 Գրասենյակ 30 0010 Երևան Հայաստան info@civilnet.am +374 10 500119 ; +374 94 800754 www.civilnet.am |
| Եկամուտ | 418.4 միլիոն դրամ / 1.1 միլիոն ԱՄՆ դոլար |
|---|---|
| Շահույթ | 4.1 միլիոն դրամ / 10.5 հազար ԱՄՆ դոլար |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր | ||
|---|---|---|
| Մետատվյալներ | «ՍիվիլՆեթի» մասին տեղեկությունը հասանելի է civilnet.am կայքում, որտեղ կարելի է գտնել նաեւ «Սիվիլիթաս» հինադրամի ֆինանսական հաշվետվությունները, կանոնադրությունը, նպատակներն ու առաքելությունը։ Լրատվամիջոցի կայքի «Մեր մասին» բաժինը մանրամասն տեղեկություններ է պարունակում «ՍիվիլՆեթի» որդեգրած սկզբունքների, քաղաքականության ու գործընկերների մասին։ civilnet.am-ում կա նաև «Մեր թիմը» ենթաբաժին, որտեղ ներկայացված են «ՍիվիլՆեթի» աշխատակիցները, տեղեկություններ նրանց գործունեության վերաբերյալ։ Իրական շահառուների հայտարարագիրը հասանելի է Իրավաբանական անձանց պետական ռեգիստրում։ | |
| Աղբյուրներ |
| |
| Փաստաթղթեր (PDF) |
|