Mediahub.am

Logo of Mediahub.am

2021-ին ստեղծված mediahub.am-ը հիմնականում օպերատիվ լրատվություն է հաղորդում։ Կայքն ունի «քաղաքականություն», «հասարակություն», «միջազգային» բաժիններ, ինչպես նաև՝ «Mediahub TV» բաժինը, որտեղ հրապարակվում են տեսանյութեր, հաղորդումներ, օրինակ՝ «MediArena», «MediaAnalytic», հատվածներ Ազգային ժողովի նիստերից և այլն։ Վերջին շրջանում լրատվամիջոցի դեմ դատական հայց են ներկայացրել Ազգային ժողովի նախագահ Ալեն Սիմոնյանը և Արտաքին գործերի նախարար Արարատ Միրզոյանը։


Լրատվամիջոցը տրամադրել է նաև տեղեկություններ սոցցանցերի էջերի դիտումների վերաբերյալ։ Ըստ այդմ՝  mediahub.am կայքը միջինում 2.5 միլիոն դիտում ունի, լրատվամիջոցին պատկանող տարբեր ֆեյսբուքյան էջերը միջինում 100 միլիոն, յութուբի էջը՝ 2.7 միլիոն, իսկ ինստագրամի էջը միջինում 4.8 միլիոն դիտում։

Հիմնական փաստեր

Լսարանի մասնաբաժինՏվյալները բացակայում են
Սեփականության տեսակՄասնավոր
Աշխարհագրական ծածկույթՄիջազգային
Բովանդակության տեսակԱնվճար
Պասիվ թափանցիկություն
պահանջի դեպքում սեփականության մասին տվյալները հեշտությամբ տրամադրվում են ընկերության/ալիքի կողմից

Սեփականություն

Սեփականության կառուցվածք

«Մեդիահաբ» ՍՊԸ-ն սահմանափակ պատասխանատվությամբ ընկերություն է, որի 100% բաժնետերը Վահագն Բոյաջյանն է։

Քվեարկության իրավունքԸնկերության կանոնադրության համաձայն՝ կառավարման մարմիններն են՝ ընկերության մասնակիցների ընդհանուր ժողովը և գործադիր մարմինը՝ տնօրենը։ Ընկերության մասնակիցների ընդհանուր ժողովն ունի կառավարման և գործունեության վերաբերյալ ցանկացած հարցի վերջնական լուծման իրավունք։ Տնօրենն իրականացնում է ընկերության ընթացիկ գործունեության ղեկավարումը։ Նա իրավունք ունի առանց լիազորության գործարքներ կատարել այն դեպքերում, երբ գործարքի գումարը չի գերազանցում ընկերության զուտ ակտիվների մեծության 25%‐ը։
Անհատ սեփականատեր

Մեդիա ընկերություններ / խմբեր

Փաստեր

Հիմնադրման տարեթիվ2021
Հիմնադիր
  • Վահագն Բոյաջյան

    Վահագն Բոյաջյանը «Մեդիահաբ» ՍՊԸ-ի սեփականատերն է, միաժամանակ զբաղեցնում է տնօրենի պաշտոնը։ Բոյաջյանը նախկինում եղել է Ազգային անվտանգության ծառայության մամուլի կենտրոնի պետը։ Սակայն այս պաշտոնը նա զբաղեցրել է ընդամենը 8 օր։ ԱԱԾ նախկին տնօրեն Արթուր Վանեցյանի հրաժարականից երկու օր անց Վահագն Բոյաջյանը ևս ազատվել է աշխատանքից։ միսներ անց  լրատվամիջոցները նրան ներկայացնում էին որպես Արթուր Վանեցյանի  օգնական։ 

    2022-ին վարչապետ Նիկոլ Փաշինյանի՝ Արցախի (Լեռնային Ղարաբաղ) կարգավիճակի հարցում նշաձողը իջեցնելու մասին հայտարարությունից հետո ընդդիմությունը փողոցային պայքար էր սկսել։ Գարնանն ընթացող ընդդիմության անհնազդության ակցիաների ժամանակ Արթուր Վանեցյանի հիմնադրած «Հայրենիք» կուսակցության խորհրդի անդամ Սոս Հակոբյանն իր ֆեյսբուքյան էջում գրել էր, թե ոստիկանությունը բերման է ենթարկել իրենց կուսակցության անդամներին՝ նրանց թվում  նշելով նաև Վահագն Բոյաջյանի անունը։

Գործադիր տնօրեն (CEO)
  • Վահագն Բոյաջյան

    Տե՛ս վերևում

Գլխավոր խմբագիր
  • Լիա Խոջայան

    Լիա Խոջոյանը 2022-ից mediahub.am կայքի գլխավոր խմբագիրն է։ Լրատվամիջոցի տրամադրած կենսագրական տվյալների համաձայն՝ մինչ այդ՝ 2019-2020 թթ. նա եղել է Partners & Co, 2017-2018-ին՝ Diologue ընկերությունների տնօրենը։ Խոջոյանը 2016-ից «Վերելք»Verelq տեղեկատվական-վերլուծական կենտրոնի փոխխմբագիրն է։ Նա 2016-2025 թթ. եղել է Eurasia Daily լրատվական գործակալության երևանյան թղթակիցը։ Որպես լրագրող աշխատել է aysor.am, panorama.am կայքերում, «Ազատամտություն», «Փակագիծ» օրաթերթերում։

    «Հանուն սոցիալական արդարության» կուսակցության 2019-ին հրապարակած տեսանյութում Լիա Խոջոյանը ներկայացվում է որպես կուսակցության քաղաքական խորհրդի անդամ։

Այլ կարևոր անձինք
  • Արթուր Վանեցյանը

    Արթուր Վանեցյանը Ազգային անվտանգության ծառայության նախկին տնօրենն է։ Նա այս պաշտոնը ստանձնել էր 2018-ի մայիսին, երբ վարչապետ ընտրվեց Նիկոլ Փաշինյանը և «Թավշյա հեղափոխություն» անունը ստացած հակակառավարական ցույցերից հետո իշխանափոխություն տեղի ունեցավ։ 2018-ին Վանեցյանը նշանակվել էր նաև Ֆուտբոլի ֆեդերացիայի նախագահ։ 2018-ի սեպտեմբերին համացանցում հայտնվել էր Վանեցյանի և Հատուկ Քննչական ծառայության պետ Սասուն Խաչատրյանի հեռախոսազրույցի ձայնագրությունը, որի ժամանակ նրանք քննարկում էին Հայաստանի նախկին նախագահ Ռոբերտ Քոչարյանի կալանքը, ինչպես նաև՝ այդ ժամանակ Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովի դեմ հարուցված քրեական գործը։ ԱԱԾ տնօրենն  ասում էր, որ ՀԱՊԿ գլխավոր քարտուղարին պետք չէ ձեռք տալ, քանի որ Ռուսաստանի հետ հարաբերությունները փչացնելու վտանգ կա։ Ամիսներ անց  համացանցում հայտնվեց նաև ԱԱԾ տնօրենի և վարչապետ Նիկոլ Փաշինյանի գաղտնալսված հեռախոսազրույցի ձայնագրությունը՝  նույն թեմայով։

    1.5 տարի պաշտոնավարելուց հետո՝ 2019-ի սեպտեմբերին, Վանեցյանը հրաժարական տվեց ԱԱԾ տնօրենի, ապա նաև՝ ֆեդերացիայի նախագահի պաշտոնից։ Վանեցյանի հրաժարականի տեքստից հասկանալի չէր պաշտոնը թողնելու  բուն պատճառը։ Նշվում էր, որ պետականաշինությունը ենթադրում է համակարգվածություն, ոչ թե տարերային որոշումներ, և քանի որ սպայի ուսադիրն անհամատեղելի է նման ընթացքի հետ, հրաժարական է տալիս։

    2020-ին Վանեցյանը դարձավ «Հայրենիք» կուսակցության նախագահը։ 2021-ին «Հայրենիք» կուսակցությունը Հայաստանի հանրապետական կուսակցության հետ «Պատիվ ունեմ» դաշինքով մասնակցեց արտահերթ խորհրդարանական ընտրություններին։ Դաշինքի վարչապետի թեկնածուն հենց Վանեցյանն էր։ Արդյունքում Արթուր Վանեցյանը «Պատիվ ունեմ» դաշինքի համապետական ընտրական ցուցակով ընտրվեց պատգամավոր։ 2022-ի հունիսին, սակայն, նա իր ֆեյսբուքյան էջում հայտնեց պատգամավորական մանդատը վայր դնելու մասին։ Գրառման համաձայն՝ քաղաքացին իրենց մանդատ է տվել իշխանությունների կործանարար գործունեությունը կասեցնելու համար, իսկ խորհրդարանը դադարել է լինել նպատակին հասնելու արդյունավետ հարթակ։

Կոնտակտային տվյալներՁորափի 70/1
Երևան
Հայաստան
info@mediahub.am
+374 94171776
https://mediahub.am/
Եկամուտ7 056 000 դրամ/ 18 000 ԱՄՆ դոլար (2024)
Շահույթ- 6 649 000 դրամ/ -16 961 ԱՄՆ դոլար (2024)
Գովազդ (ընդհանուր ֆինանսավորման %)վյալները բացակայում են
Շուկայի մասնաբաժինվյալները բացակայում են
Վերնագրեր
Մետատվյալներ

mediahub.am կայքում նշված են լրատվամիջոցի հիմնադրման տարեթիվը և նպատակը, այն է՝ ներկայացնել թարմ ու օպերատիվ տեղեկատվություն Հայաստանում, սփյուռքում և աշխարհում տեղի ունեցող իրադարձությունների վերաբերյալ։ «Մեր թիմը» բաժնում նշված է խմբագրի անունը, ներկայացված են նաև թիմի մյուս անդամները` լուսանկարներով։ Թեև կայքը չունի «Ֆինանսական հաշվետվություններ» անվանումով բաժին, որտեղ հնարավոր կլիներ հեշտությամբ գտնել տարեկան ֆինանսական հաշվետվությոնները, այնուամենայնիվ, դրանք հրապարակված են կայքում և «Ֆինանսական հաշվետվություն» բանալի բառերով փնտրելու դեպքում հնարավոր է գտնել։ Լրատվամիջոցը պատասխանել է հարցմանը, տրամադրել է բոլոր անհրաժեշտ տեղեկությունները՝ բացառությամբ տնօրենի կենսագրական տվյալներից։

Լրատվամիջոցը տրամադրել է նաև տեղեկություններ սոցցանցերի էջերի դիտումների վերաբերյալ։ Ըստ այդմ՝  mediahub.am կայքը միջինում 2.5 միլիոն դիտում ունի, լրատվամիջոցին պատկանող տարբեր ֆեյսբուքյան էջերը միջինում 100 միլիոն, յութուբի էջը՝ 2.7 միլիոն, իսկ ինստագրամի էջը միջինում 4.8 միլիոն դիտում։

Աղբյուրներ
Փաստաթղթեր (PDF)
  • Mediahub LLC profile (Armenian)
    File
  • Mediahub LLC CEO (Armenian)
    File
  • Mediahub LLC charter (Armenian)
    File
  • Mediahub LLC response to MOM request (Armenian)
    File
  • Mediahub online website address (Armenian)
    File
  • Financial report of Mediahub LLC (Armenian)
    File