Թերթ.am
«Թերթ.am» լրատվական կայքը 2008 թվականին հիմնադրել է «Մեդիա Սթայլ» ՍՊԸ-ն, որի հիմնադիրն ու 100% սեփականատերն այդ ժամանակ Արման Սահակյանն էր՝ հետագայում Հայաստանի հանրապետական կուսակցության անդամ, նախկին պատգամավոր։
2013 թվականին ստեղծվել է «Թերթ էյ էմ» ՍՊԸ-ն ու գնել «Թերթ.am» կայքը։
2015-2019թթ․ «Թերթ.am»-ը «Պանարմենիան Մեդիա Գրուպի» կազմում է եղել։ Մեդիա գրուպը ներառել է «Արմենիա Թի-վի», «Ա-Թիվի», «Արմնյուզ», «Պանարմենիան TV» (ԱՄՆ), հեռուստաընկերությունները, tert.am և blognews.am կայքերը, «Ռադիո Ջան» և «Լավ Ռադիո» ռադիոկայանները։ Մամուլի հրապարակումների համաձայն՝ «Պանարմենիան Մեդիա Գրուպի» իրական սեփականատերը ՀՀ երրորդ նախագահ Սերժ Սարգսյանի փեսա, Վատիկանում Հայաստանի նախկին դեսպան Միքայել Մինասյանն է եղել։
2019 թվականին «Պանարմենիան Մեդիա Գրուպը» հայտարարեց որպես մեդիա միավորում գործունեությունը դադարեցնելու մասին, ինչից հետո դրա կազմում գտնվող «Արմնյուզ» հեռուստաընկերությունը, «Լավ» ռադիո»-ն և «Թերթ.am» կայքը անցան նորաստեղծ «Քառյակ մեդիային»։
«Քառյակ մեդիա» ՓԲԸ-ն հիմնադրել էին հասարակական-քաղաքական գործիչներ, Հայաստանի հանրապետական կուսակցության նախկին պատգամավորներ Միհրան Հակոբյանը, Կարեն Բեքարյանը, Սամվել Ֆարմանյանը և Արման Սաղաթելյանը։
Շուրջ երեք տարի հեռուստատեսության, ռադիոյի և առցանց լրատվության ոլորտներում ակտիվ գործունեությունից հետո 2022-ին «Քառյակ մեդիան» հայտարարեց գործունեությունը դադարեցնելու մասին։
Դրանից հետո «Արմնյուզ TV»-ի լիցենզիայի գործողությունը դադարեցվեց, իսկ «Ռադիո 107 ՖՄ»-ն ու «Թերթ.am»-ը հայտարարեցին գործունեությունը շարունակելու մասին` «Քառյակ մեդիայից» անջատ։
2025 թվականի հունվարից ֆինանսական խնդիրների պատճառով դադարեցվել է նաև «Ռադիո 107 ՖՄ»-ի հեռարձակման լիցենզիայի գործողությունը։ «Թերթ.am»-ը՝ իր «Թերթ.am Life» և «Թերթ.am Medicine» բաժիններով, շարունակում է աշխատանքը, սակայն՝ ոչ նախկին ակտիվությամբ։
Թեև «Թերթ.am»-ի տնօրեն Արամ Անտինյանը հայտարարեց, որ «Քառյակ մեդիայի» սեփականատերերին առաջարկել են ստանձնել Թերթ.am-ի և «107 ֆմ ռադիոյի» սեփականության իրավունքը, սակայն ՀՀ իրավաբանական անձանց պետական ռեգիստրում երկու ընկերությունների 100% սեփականատերը շարունակում է մնալ «Քառյակ մեդիա» ՓԲԸ-ն:
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Միջազգային |
| Բովանդակության տեսակ | Անվճար |
| Տվյալները հասանելի են | սեփականության մասին տվյալներ |
Սեփականություն
| Սեփականության կառուցվածք | Tert.am կայքը պատկանում է «Թերթ էյ էմ» ՍՊԸ-ին, որն, իր հերթին, «Քառյակ մեդիայի» կազմում է։ «Քառյակ մեդիա» ՓԲԸ-ն հիմնադրել են քաղաքական–հասարակական գործիչներ Կարեն Բեքարյանը, Արման Սաղաթելյանը, Սամվել Ֆարմանյանն ու Միհրան Հակոբյանը՝ յուրաքանչյուրը 25% մասնաբաժնով։ Սակայն, ըստ ընկերության 2025 թվականի իրական շահառուների հայտարարագրի, Կարեն Բեքարյանը դուրս է եկել ընկերությունից՝ իր բաժինը փոխանցելով Միհրան Հակոբյանին։ Արման Սաղաթելյան (25%), Սամվել Ֆարմանյան (25%), Միհրան Հակոբյան (50%) |
|---|---|
| Քվեարկության իրավունք | «Թերթ էյ էմ» ՍՊԸ-ի կառավարման բարձրագույն մարմինը մասնակիցների ընդհանուր ժողովն է, որն ունի ընկերության կառավարման և գործունեության ցանկացած հարցի վերջնական լուծման իրավունք։ Մասնակիցների ընդհանուր ժողովում ընկերության մասնակիցներն ունեն ընկերության կանոնադրական կապիտալում իրենց բաժնեմասերին համապատասխան ձայների քանակ։ Ընկերության ընթացիկ գործունեության ղեկավարումն իրականացնում է տնօրենը, որն ընտրվում է մասնակիցների ընդհանուր ժողովի կողմից։ Տնօրենն իրավունք ունի առանց լիազորության գործարքներ կատարել ընկերության անունից, եթե գործարքի գումարը չի գերազանցում զուտ ակտիվների մեծության 25 տոկոսը։ |
| Անհատ սեփականատեր |
Գործարկող Ընկերություն
Փաստեր
| Հիմնադրման տարեթիվ | 2008 «Թերթ.am» լրատվական կայքը 2008 թվականին հիմնադրել է «Մեդիա Սթայլ» ՍՊԸ-ն, որի հիմնադիրն ու 100% սեփականատերն այդ ժամանակ Արման Սահակյանն էր՝ հետագայում Հայաստանի հանրապետական կուսակցության անդամ, նախկին պատգամավոր։ |
|---|---|
| Հիմնադիր |
|
| Գործադիր տնօրեն (CEO) |
|
| Գլխավոր խմբագիր |
|
| Կոնտակտային տվյալներ | Չարենցի 1 0025 Երևան Հայաստան editor@tert.am +374 41 76 88 38 www.tert.am |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր | ||
|---|---|---|
| Մետատվյալներ | «Քառյակ մեդիան» 2022 թվականին հայտարարել է գործունեությունը դադարեցնելու մասին, սակայն 2025 թվականի սեպտեմբերի դրությամբ իր կազմում գտնվող «Թերթ էյ էմ» ՍՊԸ-ի և «Ռադիո 107 ՖՄ» ՍՊԸ-ի 100% սեփականատերն է։ Ընդ որում, «Քառյակ մեդիա» ՓԲԸ-ի իրական շահառուների 2025 թվականի հայտարարագրում փոփոխություն է տեղի ունեցել․ Կարեն Բեքարյանը դուրս է եկել ընկերությունից՝ իր 25% մասնաբաժինը փոխանցելով Միհրան Հակոբյանին։ Թեև ՀՀ պետական եկամուտների կոմիտեում նշված է, որ «Քառյակ մեդիա» ՓԲԸ-ն սնանկ ընկերություն է, սնանկության գործը Վճռաբեկ դատարանում է, վճիռ չի կայացվել։ Հարցերի պարզաբանման համար դիմել ենք «Թերթ էյ էմ» ՍՊԸ-ի տնօրեն Արամ Անտինյանին, սակայն պատասխան չենք ստացել։ | |
| Աղբյուրներ |
| |
| Փաստաթղթեր (PDF) |
|