168 ժամ
«168 ժամ» թերթի առաջին համարը լույս է տեսել 2004 թվականի սեպտեմբերի 9-ին։ Սկզբնական շրջանում շաբաթաթերթ էր, դրանից հետո տպագրվում էր շաբաթական 3 անգամ՝ երեքշաբթի, հինգշաբթի և շաբաթ օրերին։ 2022 թվականից կրկին տպվում է շաբաթական մեկ անգամ` չորեքշաբթի օրերին։
Թերթում տպագրվում են վերլուծական հոդվածներ, հարցազրույցներ, գիտական և հետազոտական նյութեր, որոնք միշտ արդիական են։ Բոլոր նյութերը տեղ են գտնում նաև 168.am կայքում, որը 2012 թվականից թարմացվում է առցանց ռեժիմով։
«168 ժամ»-ի հիմնադիրն ու գլխավոր խմբագիրը Հայաստանի ժուռնալիստների միության նախագահ Սաթիկ Սեյրանյանն է։
Լրատվամիջոցն առանձնանում է ընդդիմադիր կեցվածքով, վարչապետ Նիկոլ Փաշինյանի կառավարության ու նրա վարած քաղաքականության խիստ քննադատությամբ։ Հաճախ է հիշատակվում Փաշինյանի՝ նախկին լրագրող լինելու հանգամանքը, հատկապես լրատվամիջոցների թիրախավորման համատեքստում։
DataLex դատական տեղեկատվական համակարգի համաձայն՝ «168 ժամ» թերթում և 168.am կայքում հրապարակված տեղեկության հերքման 25 պահանջ է ներկայացվել «168 ժամ» ՍՊԸ-ին։ Հատկանշական է, որ սրանց մեծ մասը՝ 20 դատական գործ, 2018 թվականի իշխանափոխությունից հետո է հասել դատարան։
Հերքման պահանջներ ներկայացնողների թվում են Երևանի քաղաքապետ Տիգրան Ավինյանը (հայցը բավարարվել է մասնակի), Ազգային ժողովի «Քաղաքացիական պայմանագիր» խմբակցության պատգամավոր, գործարար Խաչատուր Սուքիասյանը (հայցը բավարարվել է մասնակի), իշխող «Քաղաքացիական պայմանագիր» կուսակցությունը (Երևանի քաղաքացիական դատարանը հայցը բավարարել է, «168 ժամ» ՍՊԸ-ն բողոքարկել է Վերաքննիչ դատարան) և այլն։
Իշխող կուսակցությունը երկու հայց էլ ներկայացրել է Վարչական դատարան՝ մեղադրելով լրատվամիջոցին 2023թ. մարտի 26-ին Սյունիքի մարզի Սիսիան խոշորացված համայնքում տեղի ունեցած տեղական ինքնակառավարման մարմինների ընտրությունների քվեարկության օրը և դրան նախորդող օրը քարոզչություն իրականացնելու համար: Երկու հայցադիմումներն էլ մերժվել են, ընդ որում՝ մեկը՝ ՀՀ դատական բոլոր ատյաններում
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Ազգային |
| Բովանդակության տեսակ | Վճարովի |
| Ակտիվ թափանցիկություն | ընկերությունը/ալիքը պրոակտիվ և ամբողջական հայտնում է սեփականության մասին, տվյալները պարբերաբար թարմացվում են և հեշտությամբ ստուգելի են |
Սեփականություն
| Սեփականության կառուցվածք | «168 ժամ» թերթը պատկանում է «168 ժամ» ՍՊԸ-ին, որի սեփականատերը Սաթիկ Սեյրանյանն է (100%): |
|---|---|
| Քվեարկության իրավունք | «168 ժամ» ՍՊԸ-ի կառավարման մարմիններն են՝ մասնակիցների ժողովը և գործադիր մարմինը՝ տնօրենը։ Ընկերության միակ մասնակիցը և տնօրենը Սաթիկ Սեյրանյանն է, բոլոր բաժնետոմսերը պատկանում են նրան։ |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2004 |
|---|---|
| Հիմնադիր |
|
| Գործադիր տնօրեն (CEO) |
|
| Գլխավոր խմբագիր |
|
| Կոնտակտային տվյալներ | Պուշկին 3Ա 2-րդ հարկ 0010 Երևան Հայաստան 168@168.am, info@168.am +374 (10) 58-48-31 www.168.am |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր |
| |
|---|---|---|
| Մետատվյալներ | «168 ժամ» ՍՊԸ-ի տարեկան ֆինանսական հաշվետվությունը 168.am կայքում վերջին անգամ հրապարակվել է 2023 թվականին։ Լրատվամիջոցի 2024 թվականի եկամտի, ծախսերի և շահույթի վերաբերյալ տվյալներ ստանալու համար դիմել ենք ընկերությանը, որը տրամադրել է մեր հայցած տեղեկատվությունը՝ նշելով, որ հաշվետվությունը հրապարակվել է «168 ժամ» տպագիր թերթում։ Չնայած դրան, նշված է, որ ֆինանսական տվյալները բացակայում են, քանի որ տրամադրված հաշվետվությունը չի չի պարունակում առանձին տվյալներ թերթի և կայքի եկամուտների ու ծախսերի վերաբերյալ: 168.am կայքի «Խմբագրակազմ» բաժինը թեև գոյություն ունի, սակայն որևէ տեղեկություն չի պարունակում։ | |
| Աղբյուրներ |
| |
| Փաստաթղթեր (PDF) |
|