Գործարար ալիք
«Գործարար ալիք»-ը Հայաստանում «առաջին և միակ մասնավոր սոցիալ-քաղաքական ռադիոընկերությունն է»։ Քանի որ ռադիոն հաճախ ասոցացվում է երաժշտության հետ, ընտրվել է «Երգելու ժամանակ չկա» կարգախոսը, որն ընդգծում է լրատվամիջոցի կենտրոնացումը սոցիալ-քաղաքական և տեղեկատվական բովանդակություն մատուցելու վրա, այլ ոչ թե ժամանցի կամ երաժշտության։ «Գործարար ալիք»-ը ներկայացնում է լուրեր, վերլուծություններ, հարցազրույցներ և քննարկումներ՝ օգտագործելով տարբեր ձևաչափեր։
Լրատվամիջոցը «Լրատվական ռադիո» անունով 2011 թվականին հիմնադրել է լրագրող Կորյուն Խումարյանը։
Ռադիոծրագիրը մայրաքաղաքային սփռում ունի։ Բացի 106.5 հաճախականությունից, «Գործարար ալիք»-ի բովանդակությունը վիդեո ձևաչափով հրապարակվում է նաև լրատվամիջոցի յութուբյան ալիքում։
Մինչև 2023 թվականի հոկտեմբեր ռադիոծրագիրը հեռարձակվում էր «Լրատվական ռադիո» անունով՝ մեծ ուշադրություն դարձնելով քաղաքական թեմաներին։ Վերաբրենդավորումից հետո առաջնահերթ դարձան տնտեսական և գործարարությանն առնչվող թեմաները։ «Լրատվական ռադիո»-ի յութուբյան ալիքը և lratvakan.am կայքը շարունակում են գործել՝ ներկայացնելով քաղաքական հաղորդումները, իսկ մյուս հաղորդումները հրապարակվում են «Գործարար ալիք»-ի յութուբյան ալիքում։ Թե՛ քաղաքական, թե՛ տնտեսական թեմաները հեռարձակվում են «Գործարար ալիք»-ի FM106.5 հաճախականությամբ։
Հեռարձակման լիցենզիան պատկանում է «Իմպուլս» ՍՊԸ-ին, որի 100% սեփականատերը ընկերության և ռադիոկայանի հիմնադիր Կորյուն Խումարյանի կինն է՝ Ալլա Աբովյանը։ 2020 թվականից «Իմպուլս» ՍՊԸ-ի տնօրենը Դավիթ Խումարյանն է՝ Կորյուն Խումարյանի և Ալլա Աբովյանի կրտսեր որդին։ Ռադիոծրագրի գլխավոր խմբագիրն էլ Խումարյանի ավագ որդու՝ Գարեգին Խումարյանի կինն է՝ Լիաննա Խաչատրյանը։
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Տեղական |
| Բովանդակության տեսակ | Անվճար |
| Տվյալները հասանելի են | սեփականության մասին տվյալներ |
Սեփականություն
| Սեփականության կառուցվածք | «Գործարար ալիք» ռադիոծրագրի հեռարձակման լիցենզիան պատկանում է «Իմպուլս» ՍՊԸ-ին, որի 100%-ի սեփականատերը Ալլա Աբովյանն է` Խումարյանների ընտանիքի անդամ։ |
|---|---|
| Քվեարկության իրավունք | Ըստ «Իմպուլս» ՍՊԸ-ի կանոնադրության՝ ընկերության կառավարման բարձրագույն մարմինը մասնակիցների (կամ նրանց լիազոր ներկայացուցիչների) ընդհանուր ժողովն է, որն ունի ընկերության կառավարման և գործունեության ցանկացած հարցի վերջնական լուծման իրավունք։ Ընկերության մասնակիցներն ունեն ընկերության կանոնադրական կապիտալում իրենց բաժնեմասերին համապատասխան ձայների քանակ։ «Իմպուլս» ՍՊԸ-ի միակ մասնակիցը 2025 թվականի սեպտեմբերի դրությամբ Ալլա Աբովյանն է։ Ընկերության ընթացիկ գործունեության ղեկավարումն իրականացնում է տնօրենը։ Տնօրենը լուծում է ընթացիկ բոլոր հարցերը, բացառությամբ մասնակիցների ընդհանուր ժողովի իրավասությանը վերաբերող հարցերից: |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2011 |
|---|---|
| Հիմնադիր |
|
| Գործադիր տնօրեն (CEO) |
|
| Գլխավոր խմբագիր |
|
| Այլ կարևոր անձինք |
|
| Կոնտակտային տվյալներ | Գ․ Քոչարի 21 4-րդ հարկ 0009 Երևան Հայաստան impuls@impuls.am, marketing@lratvakan.am +374 (60) 44-12-73 ; +374 (11) 28-00-00 www.lratvakan.am |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր | ||
|---|---|---|
| Մետատվյալներ | «Գործարար ալիք»-ի կայքը՝ lratvakan.am-ը, չունի «Մեր մասին» բաժին, տեղեկություն չի պարունակում լրատվամիջոցի պատմության, աշխատակազմի վերաբերյալ։ Առանցքային դերակատարների մասին տվյալները կա՛մ վերցվել են բաց աղբյուրներից, կա՛մ ստացվել տնօրենի հետ զրույցի շնորհիվ։ Լրատվամիջոցի ղեկավարությունը պատրաստակամորեն պատասխանել է մեր հարցերին, սակայն հրաժարվել է տրամադրել ֆինանսական հաշվետվությունը՝ նշելով, որ այն հրապարակվել է եթերում ու ներկայացվել վերահսկող մարմնին՝ Հեռուստատեսության և ռադիոյի հանձնաժողովին։ Այլ տեղեկատվություն եկամուտների ու ծախսերի վերաբերյալ չի տրամադրվել։ «Իմպուլս» ՍՊԸ-ի սեփականատերերի մասին տեղեկությունն ու կանոնադրությունը հասանելի են ՀՀ իրավաբանական անձանց պետական ռեգիստրում։ | |
| Աղբյուրներ |
| |
| Փաստաթղթեր (PDF) |