Սպուտնիկ Արմենիա
«Տոսպա» ռադիոընկերության խմբագրություն ՓԲԸ-ն «Սպուտնիկ Արմենիա» ծրագրի վերահեռարձակողն է Հայաստանում։ Ծրագիրը հեռարձակվում է Երևանում՝ 106FM հաճախականությամբ։
Իսկ «Սպուտնիկ Արմենիա» լսողական ծրագրի հիմնադիրը Ռուսաստանի Դաշնության նախագահի 09.12.2013-ի համար 894 հրամանագրի 3-րդ կետով ստեղծված «Ռոսիա Սեգոդնյան» է՝ Հայաստանում գրանցված «Ռոսիա սեգոդնյա» ՄՏԳ մասնաճյուղի միջոցով։ Ռուսական «Ռոսիա Սեգոդնյա» միջազգային մեդիա խմբի մեջ մտնում են «Րիա նովոստի», «Սպուտնիկ», «Բալթնյուզ» տեղեկատվական գործակալությունները և այլն։ Միջազգային մեդիա խմբի գլխավոր տնօրենը Դմիտրի Կիսելյովն է, գլխավոր խմբագիրը՝ Մարգարիտա Սիմոնյանը։
«Տոսպա» ռադիոընկերության խմբագրություն ՓԲԸ-ն միայն տեխնիկական վերահեռարձակումն է ապահովում, իսկ բովանդակության համար պատասխանատու է «Ռոսիա Սեգոդնյա» ՄՏԳ հայկական մասնաճյուղը։
«Ռոսիա Սեգոդնյա» ՄՏԳ մասնաճյուղի տնօրեն Դմիտրի Պիսարենկոն «MOM Հայաստան»-ի թիմին հայտնել է, որ 24-ժամյա եթերից «Սպուտնիկ Արմենիա» ծրագիրը 18 ժամ է եթերում լինում։ Եթերի 12 ժամը հայերեն սեփական արտադրության բովանդակությունն է, մնացած ժամերին հեռարձակում են նաև ռուսական «Սպուտնիկ» ռադիոյի ծրագրերը։ Մնացած 6 ժամը «Տոսպա» ռադիոընկերության խմբագրություն ՓԲԸ-ի ծրագրերն են, ըստ Պիսարենկոյի, դրանք հիմնականում երաժշտությամբ են լրացվում։
2023-ի դեկտեմբերի 20-ին Հեռուստատեսության և ռադիոյի հանձնաժողովը երկու վարչական վարույթ էր հարուցել և որպես տույժ 30 օրով կասեցրել «Սպուտնիկ Արմենիայի» հեռարձակող «Տոսպա» ռադիոընկերության խմբագրություն ՓԲԸ-ի լիցենզիան։ ՀՌՀ-ի արձանագրության համաձայն՝ ընկերության կողմից հեռարձակվող «Սպուտնիկ Արմենիա» ծրագրի «Ուրբաթը Տիգրան Քեոսայանի հետ» հաղորդման ընթացքում վարողը ծաղրական և նսեմացուցիչ ձևակերպումներով է անդրադարձել Հայաստանի Հանրապետությանն ու ժողովրդին՝ տալով գնահատականներ, որի բարոյական իրավունքն օտարերկրյա քաղաքացի հանդիսացող քաղաքական մեկնաբանն ու հաղորդավարը չունի: Արձանագրվել է նաև, որ հաղորդման ընթացքում օրենսդրությամբ արգելված արարքների կոչեր են հնչել:
Մյուս վարչական վարույթը հարուցվել է «Աբովյան թայմ» հաղորդման (հաղորդավարը նախկին պատգամավոր Արման Աբովյանն է) ժամանակ արտահայտված կարծիքների և պնդումների առնչությամբ, որոնք, ըստ հանձնաժողովի, ոչ միայն չեն համապատասխանում իրականությանը, այլև ՀՀ հասարակության շրջանում առերևույթ խուճապ առաջացնող են։ Լիցենզիան, մասնավորապես, կասեցվել էր «Ուրբաթը Տիգրան Քեոսայանի հետ» հաղորդման բովանդակության պատճառով։
Հայաստանում Ռուսաստանի Դաշնության դեսպանատունը մեկնաբանություն էր տարածել, թե ցավում են, որ հանձնաժողովի որոշումն ազդելու է հայ ունկնդրի՝ իր ընտրած աղբյուրից տեղեկատվություն ստանալու իրավունքի վրա։ 2024-ի հունվարի 5-ին ՀՌՀ նախագահն ընդունել էր «Ռադիո Սպուտնիկ» ընկերության պատվիրակությանը։ Հանդիպման առիթը հեռարձակող ընկերության լիցենզիայի կասեցումն էր։ Հեռարձակող ընկերությունն իր հերթին դատի էր տվել ՀՌՀ-ին՝ որոշումներն անվավեր ճանաչելու պահանջով:
2024-ի հունվարի 23-ին հանձնաժողովը որոշեց վերացնել «Տոսպայի» լիցենզիայի կասեցումը։ Ըստ ՀՌՀ-ի՝ հեռարձակող ընկերությունը որոշել է եթերից հանել «Ուրբաթը Տիգրան Քեոսայանի հետ» և «Աբովյան թայմ» հաղորդումները։
Հիմնական փաստեր
| Սեփականության տեսակ | Հանրային |
|---|---|
| Աշխարհագրական ծածկույթ | Տեղական |
| Բովանդակության տեսակ | Անվճար |
| Տվյալները հասանելի են | սեփականության մասին տվյալներ |
Սեփականություն
| Սեփականության կառուցվածք | «Սպուտնիկ Արմենիա» լսողական ծրագրի հիմնադիրն ու սեփականատերը Ռուսաստանի Դաշնության նախագահի 09.12.2013-ի թիվ 894 հրամանագրի 3-րդ կետով ստեղծված «Ռոսիա Սեգոդնյան» է՝ Հայաստանում գրանցված «Ռոսիա Սեգոդնյա» ՄՏԳ մասնաճյուղի միջոցով։ |
|---|---|
| Քվեարկության իրավունք | «Ռոսիա Սեգոդնյա» ՄՏԳ մասնաճյուղի կանոնադրության համաձայն՝ ղեկավարումն իրականացնում է գործակալության կողմից նշանակված մասնաճյուղի ղեկավարը։ Իսկ մասնաճյուղի ղեկավարը հաշվետու է գործակալության կառավարման մարմիններին և պատասխանատու է իր գործողությունների հետևանքների համար ՌԴ օրենքների և կնքված պայմանագրի համաձայն։ |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2014 Հեռուստատեսության և ռադիոյի հանձնաժողովի 2022-ի որոշման մեջ նշվում է, որ «Տոսպա» ռադիոընկերության խմբագրություն ՓԲԸ-ն 2013-ից հեռարձակում է «Ռադիո Սպուտնիկ» ռադիոխմբագրության ռուսերեն և հայերեն տեղեկատվական ռադիոհաղորդումները։ Սակայն «Ռոսիա Սեգոդնյա» ՄՏԳ մասնաճյուղը հիմնադրվել է 2014-ին։ |
|---|---|
| Հիմնադիր |
|
| Գործադիր տնօրեն (CEO) |
|
| Գլխավոր խմբագիր |
|
| Այլ կարևոր անձինք |
|
| Կոնտակտային տվյալներ | Ամիրյան 4/7 «Իմպերիում պլազա» բիզնես կենտրոն, 4-րդ հարկ 0002 Երևան Հայաստան +374 10 600 131 https://arm.sputniknews.ru/docs/contact.html |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |