«Ֆրի նյուզ» հեռուստաալիք
«Ֆրի Նյուզ» (FreeNews) հեռուստաընկերությունը հիմնադրվել է 2020 թվականին։Հիմնադրումից հետո ընկերությունը մասնակցել է Հանրապետության տարածքում հեռարձակման լիցենզիայի մրցույթին, սակայն համապատասխան թույլտվություն չի ստացել։ Ներկայում հեռուստաալիքը հասանելի է միայն Երևանում։
«Ֆրի Նյուզ»-ը ակտիվորեն լուսաբանում է Հայաստանի քաղաքական կյանքը։ Հաճախ հեռուստաընկերությունը ներկայացվում է որպես իշխող «Քաղաքացիական պայմանագիր» կուսակցության հետ փոխկապակցված լրատվամիջոց։
Այս հանգամանքը հիմնավոր պատճառներ ունի, քանի որ «Ֆրի Նյուզ»-ի տնօրեն Մարիամ Մարգարյանը Ազգային ժողովի նախագահ Ալեն Սիմոնյանի կինն էր, նրանք ամուսնալուծվել են 2025 թվականին։ Իսկ ընկերության սեփականատերերից մեկը, որը 2024 թվականի վերջին դուրս է եկել ընկերությունից, փոխկապակցվածություն ուներ ՔՊ կուսակցության և դրա անդամների հետ։
«Ֆրի Նյուզ» հեռուստաալիքը «Ֆրի Նյուզ» ՍՊԸ-ի ծրագիրն է։ Ընկերության միակ մասնակիցը Հասմիկ Դանիելյանն է, որը, ըստ լրատվամիջոցների հրապարակումների, մոտ հարաբերություններ ունի Մարիամ Մարգարյանի հետ։ Հասմիկ Դանիելյանի վերաբերյալ բաց աղբյուրներում կենսագրական տվյալները քիչ են։ Մեր հետազոտական թիմը տեղեկատվության հարցում էր ուղարկել «Ֆրի Նյուզ»-ին՝ խնդրելով կենսագրական տվյալներ հայտնել Հասմիկ Դանիելյանի և Մարիամ Մարգարյանի մասին։ Հեռուստաընկերությունից պատասխանեցին, որ նրանք երկրում չեն և այս պահին չեն կարող պատասխանել մեր հարցերին։
Չնայած «Ֆրի Նյուզ»-ը մայրաքաղաքային հեռարձակման լիցենզիա ստացել է 2021 թվականին, կայքը գործում էր ավելի վաղ։ Համացանցային արխիվային տվյալների համաձայն՝ այն գոյություն է ունեցել առնվազն 2012 թվականից և լուրեր են տեղադրվել։
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Տեղական |
| Բովանդակության տեսակ | Անվճար |
| Տվյալները հասանելի են | սեփականության մասին տվյալներ |
Սեփականություն
| Սեփականության կառուցվածք | FreeNews TV-ն «Ֆրի Նյուզ» սահմանափակ պատասխանատվությամբ ընկերության ծրագիրն է, որի 100% սեփականատերը Հասմիկ Դանիելյանն է։ |
|---|---|
| Քվեարկության իրավունք | «Ֆրիզ նյուզ» ՍՊ ընկերության կանոնդրության 4-րդ կետը վերաբերում է ընկերության կառավարմանը, որտեղ նշվում է՝ ընկերության կառավարման մարմիններն են ընկերության մասնակիցների ընդհանուր ժողովը և ընկերության տնօրենը։ Ընկերության մասնակիցների ընդհանուր ժողովը կառավարման բարձրագույն մարմինն է‚ որն ունի ընկերության կառավարման և գործունեության ցանկացած հարցի վերջնական լուծման իրավունք։ Ընկերության ընթացիկ գործունեության ղեկավարումն իրականացնում է տնօրենը‚ որն ընտրվում է ընկերության մասնակիցների ընդհանուր ժողովի կողմից։ Տնօրենը իրավունք ունի առանց լիազորության գործարքներ կատարել ընկերության անունից‚ եթե գործարքի գումարը չի գերազանցում ընկերության զուտ ակտիվների մեծության 25%‐ից։ |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2021 |
|---|---|
| Հիմնադիր |
|
| Գործադիր տնօրեն (CEO) |
|
| Այլ կարևոր անձինք |
|
| Կոնտակտային տվյալներ | Ալեքսանդր Մյասնիկյան ¼ 0025 երևան Հայաստան info@freenews.am +374 98 777706 freenews.am |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր |
| |
|---|---|---|
| Մետատվյալներ | FreeNews TV-ի կայքում առկա չէ «Մեր մասին» բաժին, հետևաբար, կայքում հնարավոր չէ գտնել՝ ովքեր են ընկերության սեփականատերերը, տնօրենը և խմբագիրը։ Նրանց կենսագրական տվյալները նույնպես բացակայում են։ Այս տեղեկությունները ճշտելու համար, հիմնականում, օգտվել ենք մամուլի հրապարակումներից, Արդարադատության նախարարության իրավաբանական անձանց պետական ռեգիստրից և այլն։ «Ֆրիզ նյուզ» ՍՊ ընկերության տարեկան ֆինանսական հաշվետվությունը հրապարակվել է ոչ թե FreeNews.am կայքի առանձին բաժնում, այլ կայքի «Պաշտոնական» բաժնում, որտեղ, հիմնականում, պաշտոնական հաղորդագրություններ են տեղադրված։ Մեզ հաջողվեց այդ հատվածից գտնել միայն 2020 թվականի ֆինանսական հաշետվության վերաբերյալ փաստաթուղթ՝ լուսանկարների տեսքով։ Մենք լրատվամիջոցին խնդրել էինք պատասխանել մի քանի հարցերի սեփականատիրոջ, տնօրենի և խմբագրի վերաբերյալ, ինչպես նաև՝ տրամադրել ընկերության տարեկան ֆինանսական հաշվետվությունը։ Լրատվամիջոցից պատասխանեցին՝ ընկերության տնօրենը և հիմնադիրը երկրում չեն, այդ պատճառով այս անգամ չեն կարող պատասխանել մեր հարցերին։ | |
| Աղբյուրներ |
| |
| Փաստաթղթեր (PDF) |
|