«Կենտրոն» հեռուստաընկերություն
«Կենտրոն» հեռուստաալիքը հիմնադրվել է 2002 թվականին։ Այն հեռարձակվում է Հայաստանի ողջ տարածքում, ինչպես նաև Եվրոպայում, Միջին Ասիայում, Մերձավոր Արևելքում, Աֆրիկայի որոշ երկրներում և Հյուսիսային Ամերիկայում։ Հեռուստաալիքը առաջարկում է լրատվական, քաղաքական, հասարակական, մշակութային և ժամանցային հաղորդումներ։
«Կենտրոնը» մեծ ակտիվություն է ցուցաբերում սոցիալական ցանցերում։ Օրինակ, YouTube-ում ունի 263 հազար, իսկ Facebook-ում՝ 129 հազար հետևորդ։
«Կենտրոն»-ի սեփականատերը Սեդրակ Առուտամյանն է։ Նա հանդիսանում է մի շարք ընկերությունների տնօրեն, բաժնետեր կամ սեփականատեր։ Դրանց թվում կան այնպիսի ընկերություններ, որոնք պատկանում են հայտնի գործարար և քաղաքական գործիչ, «Բարգավաճ Հայաստան» կուսակցության նախագահ Գագիկ Ծառուկյանին։ Հայաստանյան հասարակության շրջանում վաղուց հայտնի կարծիք կա, որ «Կենտրոն» հեռուստաալիքի դե ֆակտո սեփականատերը Գագիկ Ծառուկյանն է, և այդ կարծիքը հիմնավորող փաստեր ևս առկա են։
Այս ալիքով մշտապես լուսաբանվում է նրա գործունեությունը։ «Կենտրոն» հեռուստաալիքը Գագիկ Ծառուկյանի անվան հետ սկսեց կապվել 2004 թվականին, երբ այն գնեց Ծառուկյանի համագյուղացի, խնամի, ԱԺ պատգամավոր, ՀՀԿ խմբակցության անդամ Մուրադ Գուլոյանը, որը հետագայում դարձավ Գագիկ Ծառուկյանի ղեկավարած «Բարգավաճ Հայաստան» կուսակցության անդամ։ «Հետք» թերթի 2005 թվականի հոդվածում նշվում է՝ ««Կենտրոնի» պատասխանատուներից մեկը մեզ խոստովանեց, որ հաշվետու է միայն Գագիկ Ծառուկյանին: «Մուրադ Գուլոյան չկա»,-կենդանի, ապրող մարդու մասին բառացիորեն ասաց նա»։
Հիմնական փաստեր
| Լսարանի մասնաբաժին | Տվյալները բացակայում են |
|---|---|
| Սեփականության տեսակ | Մասնավոր |
| Աշխարհագրական ծածկույթ | Միջազգային |
| Բովանդակության տեսակ | Անվճար |
| Պասիվ թափանցիկություն | պահանջի դեպքում սեփականության մասին տվյալները հեշտությամբ տրամադրվում են ընկերության/ալիքի կողմից |
Սեփականություն
| Սեփականության կառուցվածք | «Կենտրոն»-ը «Մուլտի մեդիա-կենտրոն թիվի» ՓԲԸ-ի ծրագիրն է։ Ընկերության 100% բաժնետերը Սեդրակ Առուստամյանն է, որը փախկապակցված է գործարար, քաղաքական գործիչ Գագիկ Ծառուկյանի հետ։ Հայաստանյան հասարակության շրջանում վաղուց հայտնի կարծիք կա, որ «Կենտրոն» հեռուստաալիքի դե ֆակտո սեփականատերը Գագիկ Ծառուկյանն է։ Այդ կարծիքը հիմնավորող փաստեր ևս առկա են։ |
|---|---|
| Քվեարկության իրավունք | «Մուլտի մեդիա-կենտրոն թիվի» փակ բաժնետիրական ընկերության կանոնդրության համաձայն՝ ընկերության բարձրագույն մարմինը բաժնետերերն են, որոնք բաժանված են երկու խմբի՝ հասարակ և արտոնյալ բաժնետոմսերի սեփականատերեր։ Ըստ «Փակ բաժնետիրական ընկերությունների» մասին օրենքի՝ բաժնետերերը մասնակցում են ժողովներին, որը «Մուլտի մեդիա-կենտրոն թիվի» ՓԲԸ-ի պարագայում հրավիրվում է տարեկան մեկ անգամ, մասնակցում են ընկերության կառավարմանը, ստանում են շահաբաժին, իրավունք ունեն առաջնահերթ կարգով ձեռք բերել ընկերության կողմից տեղաբաշխվող բաժնետոմսերը և այլն։ Բաժնետերերի ժողովի գումարումը կազմակերպում է ընկերության տնօրենների խորհուրդը, որն իրականացնում է ընկերության գործունեության ընդհանուր ղեկավարումը՝ բացառությամբ այն հարցերի, որոնք վերաբերում են բաժնետերերի ընդհանուր ժողովի բացառիկ իրավասությանը։ Տնօրենների խորհուրդը իրավունք ունի՝ որոշել ընկերության գործունեության հիմնական ուղղությունները, հաստատել բաժնետերերի ժողովի օրակարգը, հաստատել կամ վաղաժամկետ ազատել պաշտոնից ընկերության գլխավոր տնօրենին և այլն։ Իսկ ընկերության գլխավոր տնօրենը իրականացնում է ընկերության ընթացիկ ղեկավարումը։ Նա տնօրինում է ընկերության գույքը, ֆինանսական միջոցները, գործարքներ է կատարում, ներկայացնում է ընկերությունը և այլն։ |
| Անհատ սեփականատեր |
Մեդիա ընկերություններ / խմբեր
Փաստեր
| Հիմնադրման տարեթիվ | 2002 |
|---|---|
| Հիմնադիր |
|
| Գործադիր տնօրեն (CEO) |
|
| Այլ կարևոր անձինք |
|
| Կոնտակտային տվյալներ | Ալիխանյան եղբայրներ 2 Երևան Հայաստան info@kentron.tv +374 10 39 10 39 www.kentron.tv |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Շուկայի մասնաբաժին | Տվյալները բացակայում են |
| Վերնագրեր |
| |
|---|---|---|
| Մետատվյալներ | «Կենտրոն» հեռուստաընկերության կայքում առկա տեղեկատվությունը սահմանափակ է, ուստի հիմնականում օգտվել ենք այլ աղբյուրներից։ Աշխատակազմի վերաբերյալ տեղեկատվությունը թերի է՝ գլխավոր պրոդյուսերի վերաբերյալ տվյալներ չկան։ Որոշ հարցեր պարզաբանելու նպատակով նամակ ենք ուղարկել հեռուստաընկերության կայքում նշված էլեկտրոնային հասցեին, որին հեռուստաընկերությունը պատասխանել է՝ տրամադրելով անհրաժեշտ տեղեկությունները։ «Մուլտի մեդիա-կենտրոն թիվի» ՓԲ ընկերության 2024 թվականի տարեկան ֆինանսական հաշվետվությունը հրապարակվել է ՀՀ արդարադատության նախարարության personal-legal-old.azdarar.am կայքում։ Սակայն, հաշվետվությունը վերաբերում է ընկերությանը, ոչ թե «Կենտրոն» հեռուստածրագրին։ | |
| Աղբյուրներ |
| |
| Փաստաթղթեր (PDF) |
|