Նոր Հայաստան

Logo of Նոր Հայաստան

«Նոր Հայաստան» հեռուստաընկերությունը հիմնադրվել է 2019 թվականին, այն հեռարձակվում է Երևան քաղաքում՝«Մո Թիվի մեդիա հոլդինգի» լիցենզիայով։«Նոր Հայաստանի» հաճախականությունը նախկինում զբաղեցրել են «Երևան» և «Հ3» հեռուստաալիքները։ «Մո Թիվի մեդիա հոլդինգի» և «Նոր Հայաստանի» համասեփականատերերն են Աստղիկ Սարգսյանը և Ռոբերտ Օղլախչյանը: Աստղիկ Սարգսյանը հայտնի հաղորդավար, «Արմենիա» հեռուստաընկերության նախկին գլխավոր խմբագիր Արտեմ Սարգսյանի դուստրն է և հեռուստաբիզնեսում հայտնի Բագրատ Սարգսյանի քույրը: Ռոբերտ Օղլախչյանը նաև ԱՄՆ-ում գործող ARTN հայկական հեռուստաընկերության սեփականատերն է։ «Նոր Հայաստան» հեռուստաընկերությունը հեռարձակում է քաղաքական, հասարակական, ժամանցային ուղղվածությամբ հաղորդումներ և սերիալներ։ Դրանցից որոշները հեռարձակվում են այս երեք հարթակներով՝ «Նոր Հայաստան», ARTN հեռուստաընկերություններով և Armflix հավելվածով։

Հիմնական փաստեր

Լսարանի մասնաբաժինՏվյալները բացակայում են
Սեփականության տեսակՄասնավոր
Աշխարհագրական ծածկույթՏեղական
Բովանդակության տեսակԱնվճար
Տվյալները հասանելի են
սեփականության մասին տվյալներ

Սեփականություն

Սեփականության կառուցվածք

«Նոր Հայաստան» ՓԲԸ-ի սեփականատերերն են Աստղիկ Սարգսյանը և Ռոբերտ Օղլախչյանը՝ հավասար բաժնեմասերով։

Քվեարկության իրավունքԸստ կանոնադրության՝ ընկերության յուրաքանչյուր սովորական բաժնետոմս իր սեփականատեր հանդիսացող բաժնետիրոջը տալիս է միեւնույն իրավունքները: Ընկերության բաժնետերերի ընդհանուր ժողովն ընկերության կառավարման բարձրագույն մարմինն է: Տարեկան ժողովը գումարվում է հերթական ֆինանսական տարվա ավարտից հետո 6 ամսվա ընթացքում: Ընկերության ընթացիկ գործունեության ղեկավարումն իրականացնում է ընկերության տնօրենը։
Անհատ սեփականատեր

Փաստեր

Հիմնադրման տարեթիվ2019

Ըստ Հեռուստատեսության և ռադիոյի հանձնաժողովի կայքի՝ «Նոր Հայաստան» հեռուստաընկերության լիցենզիան տրամադրվել է «Մո թիվի մեդիա հոլդինգ» ՓԲԸ-ին, որը հիմնադրվել է 2000 թվականին։ Իսկ «Նոր Հայաստան» հեռուստաընկերությունը հիմնադրվել է 2019-ին՝ համաձայն «Նոր Հայաստան» ՓԲԸ-ի կանոնադրության։ Երկու ընկերությունների սեփականատերերն էլ Աստղիկ Սագսյանը և Ռոբերտ Օղլախչյանն են՝ հավասար բաժնեմասերով։

Հիմնադիր
  • Աստղիկ Սարգսյան

    Աստղիկ Սարգսյանը «Նոր Հայաստան» հեռուստաընկերության հիմնադիրն է և ներկայում ընկերության 50% բաժնեմասերի սեփականատերը։ Աստղիկ Սարգսյանը հեռուստատեսության ոլորտում հայտնի հաղորդավար, նախկինում «Արմենիա» հեռուստաընկերության գլխավոր խմբագիր Արտեմ Սարգսյանի դուստրն է և հեռուստաբիզնեսում հայտնի Բագրատ Սարգսյանի քույրը։

Գործադիր տնօրեն (CEO)
  • Ռաֆայել Մնացականյան

    Ռաֆայել Մնացականյանը «Նոր Հայաստան» և «Մո թիվի մեդիա հոլդինգ» ՓԲԸ-ների գործադիր տնօրենն է, նաև՝ լրատվական բաժնի հաղորդավար նույն հեռուստաընկերությունում։ USArmenia TV-ի եթերով վարել է «Բարի լույս, հայեր» ծրագիրը։ Նա ակտիվ է նաև սոցիալական էջերում, իսկ նրա յութուբյան ալիքը ունի 41,4 հազար բաժանորդագրություն։ Ըստ Ռաֆայել Մնացականյանի ֆեյսբուքյան էջի՝ Հայաստանում առաջին ուսանողական ռադիոյի՝ «Ռադիո ՄԱՈ»-ի հիմնադիրներից է։ 2020-ի փետրվարի 1-ին Ռաֆայել Մնացականյանը Լոս Անջելեսում հիմնադրել է «Մեր ռադիո» ռադիոկայանը։ 

    2015 - ին ավարտել է ԱՄՆ Յուտա Վալլեյ համալսարանը։

Այլ կարևոր անձինք
  • Բագրատ Սարգսյանին է

    Բագրատ Արտեմի Սարգսյանը Աստղիկ Սարգսյանի եղբայրն է, Արտեմ Սարգսյանի ավագ որդին։ Նա Հայաստանում հիմնադրել է մի քանի լրատվամիջոց, այդ թվում՝ «Արմենիա» և «Արմնյուզ» հեռուստաընկերությունները, հետագայում գործունեությունը շարունակել է ԱՄՆ-ում։ 2007 թվականին եղբոր՝ Վահագն Սարգսյանի հետ հիմնադրել է USATV ՍՊԸ-ն Կալիֆոռնիայում, 2008 թվականին՝ USArmenia TV-ն՝ ԱՄՆ-ի ամենամեծ հայկական հեռուստաալիքը։

    Ըստ պետական ռեգիստրի տվյալների՝ Բագրատ Սարգսյանի քույրը՝ Աստղիկ Սարգսյանը, 2010-2013 թթ. բաժնետեր է եղել «Է.Վ.» հեռուստաընկերությունում, որի մյուս բաժնետերը Վիրջինյան կղզիներում գրանցված «Բենեթ գրուպ ինք» ընկերությունն էր։ Երևանի մամուլի ակումբի 2010 թվականի զեկույցի համաձայն՝ «Բենեթ գրուպը» պատկանում էր Սերժ Սարգսյանի փեսա Միքայել Մինասյանին և «Քոմեդի քլաբ փրոդաքշընի» հիմնադիր Արթուր Ջանիբեկյանին։

  • Արտեմ Սարգսյան

    Արտեմ Սարգսյանը Աստղիկ և Բագրատ Սարգսյանների հայրն է։ Նա հայտնի հաղորդավար և լեզվաբան է Հայաստանում։ Դասավադել է  ինչպես Հայաստանի բուհերում, այնպես էլ սփյուռքի կրթօջախներում։ 1978 թվականից նախ Առաջին ալիքի, ապա՝ «Արմենիա» հեռուստաընկերությամբ վարել է հեղինակային «Մեր լեզուն, մեր խոսքը» հաղորդաշարը։ Եղել է «Արմենիա» հեռուստաընկերության գլխավոր խմբագիրը։

Կոնտակտային տվյալներ«Նոր Հայաստան» ՓԲԸ
Պռոշյան 1 նրբ. / Տ / 60/5 Կենտրոն
0019 Երևան
Հայաստան
info@norhayastan.com
http://norhayastan.com
ԵկամուտՏվյալները բացակայում են
ՇահույթՏվյալները բացակայում են
Գովազդ (ընդհանուր ֆինանսավորման %)Տվյալները բացակայում են
Շուկայի մասնաբաժինՏվյալները բացակայում են
Վերնագրեր
Մետատվյալներ

Ընկերությունը չի պատասխանել մեր գրավոր հարցմանը։ Գլխավոր խմբագրի մասին տեղեկությունը բացակայում է։ Կայքը չի գործում։ Լսարանի և շուկայի մասնաբաժինների մասին տվյալները ևս անհասանելի են։ Բացակայում է ընկերության ֆինանսական հաշվետվությունը։

Աղբյուրներ
Փաստաթղթեր (PDF)
  • New Armenia CJSC Beneficial ownership declaration (Armenian)
    Link File
  • Mo TV Media Holding CJSC founding information (Armenian)
    Link File
  • Mo TV Media Holding CJSC Beneficial ownership declaration (Armenian)
    Link File
  • Armflix LLC Beneficial ownership declaration (Armenian)
    Link File
  • Yerevan Press Club: 2010 Report (Armenian)
    Link File