«Մո թիվի մեդիա հոլդինգ» ՓԲԸ

Logo of «Մո թիվի մեդիա հոլդինգ» ՓԲԸ

«ՄՈ ԹԻՎԻ ՄԵԴԻԱ ՀՈԼԴԻՆԳ» ՓԲԸ-ն հիմնադրվել է 2000 թվականի մարտին որպես սահմանափակ պատասխանատվությամբ ընկերություն (ՍՊԸ), այնուհետև, նույն տարվա հոկտեմբերին այն դարձել է փակ բաժնետիրական ընկերություն (ՓԲԸ)՝ «Երևան հետուստաընկերություն անվամբ»։ 


2014-ի հունիսին ընկերությունը անվանափոխվել է «Հ3 հեռուստաընկերություն» ՓԲԸ։


2019-ի մարտից ընկերությունը կոչվում է «Մո թիվի մեդիա հոլդինգ ՓԲԸ»։ 


Նախքան «Նոր Հայաստան» հեռուստաընկերության հեռարձակումը, «Մո թիվի մեդիա հոլդինգ» ՓԲԸ-ի լիցենզիայով հեռարձակվում էին «Երևան» և «Հ3» հեռուստաալիքները։


«Հ3 հեռուստաընկերություն» ՓԲԸ - ի հիմնադիրը «Գավեքս գրուպ» ՍՊԸ - ն է, որի 100 տոկոս բաժնետերը «Օրինաց երկիր» կուսակցության նախկին նախագահ, Ազգային անվտանգության խորհրդի նախկին քարտուղար Արթուր Բաղդասարյանն է, որը 2017 թվականին չի հայտարարագրել իրեն պատկանող ընկերությունները։


«Մո Թիվի մեդիա հոլդինգ» ՓԲԸ-ի համասեփականատերերն են Աստղիկ Սարգսյանը և Ռոբերտ Օղլախչյանը: Բացի այս ընկերությունից, նրանք հավասար բաժնեմասեր ունեն նաև և «Նոր Հայաստան» ՓԲԸ - ում։ Ըստ ՀՀ պետական եկամուտների կոմիտեի՝ երկու ընկերություններն էլ զբաղվում են գովազդի տարածման հետ կապված գործունեությամբ, ունեն նույն սեփականատերերը և գործադիր մարմնի ղեկավարը։

Հիմնական փաստեր

Բիզնեսի ձևԱռևտրային / շահույթ հետապնդող
Իրավական ձևՓակ բաժնետիրական ընկերություն

Սեփականություն

Անհատ սեփականատեր

Լրատվամիջոցներ

Փաստեր

Հիմնադրման տարեթիվ2000
Հիմնադիր
  • Անդրնավթգազշին

    «Անդրնավթգազշին» ընկերությունը 51 տոկոս բաժնեմաս է ունեցել «Մո թիվի մեդիա հոլդինգ ՓԲԸ»-ում 2000 թվականի մարտին՝ ընկերության հիմնադրմանը մասնակցելիս։ Քաղաքական գործիչ, ԱԺ նախկին պատգամավոր Արտաշես Գեղամյանը (1949-2024) եղել է «Անդրնավթգազշին» ԲԸ դիտորդական խմբի անդամ 1991-1995 թվականներին, հիմնադրել է «Պրոմեթեւս» հայկական ունիվերսալ սակարանը, «21-րդ դար»  ՍՊԸ-ն, եղել է այդ հիմնարկների գլխավոր տնօրեն: 

  • Սերգո Երիցյանին

    Սերգո Երիցյանին պատկանել է ընկերության բաժնետոմսերի 10 տոկոսը։ Նա ծնվել է 1957 թվականին։ Սովորել է Մոսկվայի Լոմոնոսովի անվան պետական համալսարանում։ Աշխատել է խմբագիր, մեկնաբան, իսկ Հանրային հեռուստատեսությունում  վարել է իր հեղինակային հաղորդումը։

    1995-1999 թվականներին եղել է ԱԺ պատգամավոր, 1999թ. մայիսի 30-ին ԱԺ պատգամավոր է ընտրվել «Օրինաց երկիր» կուսակցության համամասնական ընտրացուցակով։

  • Հայկական իրավական և քաղաքական կազմակերպություն

    5 տոկոս բաժնեմասով ընկերության հիմնադրմանը մասնակցել է Երևանում գրանցված 

    Հայ. իրավագ. և քաղաք. կազմակերպությունը, որի մասին որևէ տեղեկատվություն հասանելի չէ։

  • Համլետ Ղուչշյանը

    Համլետ Ղուչշյանը ընկերության հիմնադրմանը մասնակցել է  10 տոկոս բաժնեմասով։ Նա հայտնի լրագրող և հեռուստահաղորդավար է։ 2008–2019 թթ. եղել է Հայաստանի հեռուստատեսության և ռադիոյի ակադեմիա» ՓԲԸ - ի գործադիր մարմնի ղեկավարը։ Այս ընկերությունը ժամանակավորապես դադարեցրել է գործունեությունը։
    Համլետ Ղուշչյանը նաև «Փակ Թիվի» ՍՊԸ - ի տնօրենն է և 49 տոկոս բաժնետերը։ «Փակ Թիվի» - ի յութուբյան ալիքով հարցազրույցներ է վարում տարբեր կուսակցական գործիչների հետ։

  • Ռոբերտ Մավիսակալյանին

    Ռոբերտ Մավիսակալյանին (1940 - 2003) պատկանել է բաժնետոմսերի  9 տոկոսը։ 

    Մավիսակալյանը եղել է Հայաստանի պետական ռադիոհեռուստատեսության գիտա-հանրամատչելի ծրագրերի գլխավոր խմբագիր, «Լրաբեր» լրատվական ծառայության տնօրեն։ 1990-1991 թվականներին նյութեր է պատրաստել Հայաստանից CNN-ի համար։ 

    Նա եղել է «Արմենիա» հեռուստաընկերության քաղաքական մեկնաբան 1998 -2003 թվականներին։ 

    Անդամակցել է Ռամկավար ազատական կուսակցությանը 1991-2003-ին։

  • «Շեն հոլդինգ» ՓԲԸ

    «Շեն» կոնցերնը մասնակցել է հիմնադրմանը 15 տոկոսով։ Այն հետագայում անվանափոխվել է և դարձել «Շեն հոլդինգ» ՓԲԸ։ Այժմ սնանկ է ճանաչված։

Կոնտակտային տվյալներՊռոշյան 1 նրբ. / Տ
60/5 Կենտրոն
0019 Երևան
Հայաստան
info@norhayastan.com
www.norhayastan.com
Հարկային / նույնականացման համարՓԲԸ 02532631 ՀՀ արդարադատության նախարարության իրավաբանական անձանց պետական ռեգիստր
ԵկամուտՏվյալները բացակայում են
ՇահույթՏվյալները բացակայում են
Գովազդ (ընդհանուր ֆինանսավորման %)Տվյալները բացակայում են
Այլ ազդեցիկ անձինք
  • Արթուր Բաղդասարյան

    Արթուր Բաղդասարյանը, ըստ «Հետքի» 2017 թվականի մարտին հրապարակած հետաքննության, չի հայտարարագրել իրեն պատկանող ընկերությունները, մասնավորապես՝ «Գավեքս գրուպ» և «Հայասի Գրուպ» ՍՊԸ-ները։ Ըստ 2024 թվականի ԻՇ հայտարարագրի, «Գավեքս գրուպ» - ի միակ սեփականատերը Արթուր Բաղդասարյանն է, և ըստ 2025 թվականի ԻՇ հայտարագրի՝ նա նաև «Հայասի գրուպ» ՍՊԸ-ի միակ սեփականատերն է։ Սակայն 2011-2012 թվականներին այս ընկերության 15 տոկոսը փոխանցվել է «Դոնթհարդ Հոլդինգս» ՍՊԸ-ին, որի վերջնական բաժնետերը Վիրջինյան կղզիներում գրանցված NCA INVESTMENTS Ltd-ն է։ Կիպրոսում գրանցված «Դոնթհարդ Հոլդինգս» ՍՊԸ  օֆշորային ընկերության տնօրեններից մեկը եղել է Կարեն Նորիկի Սարգսյանը՝ Հեղինե Բիշարյանի որդին։ Կարեն Նորիկի Սարգսյանը եղել է նաև «Մո թիվի մեդա հոլդինգի» տնօրենը 2019 թվականին (փետրվար-հոկտեմբեր)։ 

  • Կարեն Սարգսյան

    Կարեն Սարգսյանը Արթուր Բաղդասարյանի ղեկավարած «Օրինաց երկիր» կուսակցության անդամ Հեղինե Բիշարյանի որդին է։ Հեղինե Բիշարյանն «Օրինաց երկիր» խմբակցության պատգամավոր է եղել Աժ երկու գումարումներում՝2003-2007, 2007-2012։

     

    2019 թվականի փետրվարից հոկտեմբերը Կարեն Սարգյանը եղել է «Մո թիվի մեդիա հոլդգինգ» ՓԲԸ - ի տնօրենը։

    Կարեն Սարգսյանը եղել է նաև Կիպրոսում գրանցված «Դոնթհարդ Հոլդինգս» ՍՊԸ-ի տնօրեններից մեկը։ Այս ընկերության վերջնական սեփականատերը Վիրջինյան կղզիներում գրանցված NCA INVESTMENTS Ltd-ն է։

Վերնագրեր
Տվյալները հասանելի են
սեփականության մասին տվյալներ
Մետատվյալներ

Ընկերությունը չի պատասխանել մեր գրավոր հարցմանը։ Գլխավոր խմբագրի մասին տեղեկությունը բացակայում է։ Նոր Հայաստան TV-ի կայքը չի գործում։ Լսարանի և շուկայի մասնաբաժինների մասին տվյալները ևս անհասանելի են։ Բացակայում է ընկերության ֆինանսական հաշվետվությունը։

Աղբյուրներ
Փաստաթղթեր (PDF)
  • New Armenia CJSC Beneficial ownership declaration (Armenian)
    Link File
  • Mo TV Media Holding CJSC founding information (Armenian)
    Link File
  • Mo TV Media Holding CJSC Beneficial ownership declaration (Armenian)
    Link File
  • Armflix LLC Beneficial ownership declaration (Armenian)
    Link File
  • Yerevan Press Club: 2010 Report (Armenian)
    Link File
  • Artur Baghdasaryan at Gavex Group LLC
    Link File
  • Artur Baghdasaryan at Hayasi Group LLC
    Link File
  • Hamlet Ghushchyan at Pak TV LLC (Closed TV) (Armenian)
    Link File