«Ռոսիա Սեգոդնյա» ՄՏԳ մասնաճյուղ Հայաստանի Հանրապետությունում ք․Երևան ԱՍ
«Ռոսիա Սեգոդնյա» ՄՏԳ-ն «Ռոսիա Սեգոդնյա» ռուսական պետական միջազգային մեդիա խմբի հայկական մասնաճյուղն է, որը գործում է 2014 թվականից և հիմնականում զբաղվում է լրատվական և ռադիոհաղորդումների արտադրությամբ ու հեռարձակմամբ։ Հայաստանում նրա հիմնական գործունեությունն իրականացվում է Sputnik Armenia ծրագրի միջոցով, որը հեռարձակվում է Երևանում՝ 106 FM հաճախականությամբ։ «Ռոսիա Սեգոդնյա» ՄՏԳ-ի եթերացանցի տասներկու ժամը տեղական մասնաճյուղի արտադրած հաղորդումներն են՝ հայերենով, վեց ժամը՝ ռուսական Sputnik Radio-ից ստացված հաղորդումները, ինչպես նաև՝ լրացուցիչ վեց ժամ երաժշտական հաղորդումներ, որոնք տրամադրում է «Տոսպա» ռադիոընկերության խմբագրություն» ՓԲԸ-ն։ Վերջինս ապահովում է տեխնիկական վերահեռարձակումը ՝ տեղական արտոնագրի հիման վրա։
«Ռոսիա Սեգոդնյա» մեդիա խումբը հիմնադրվել է 2013թ. դեկտեմբերի 9-ին՝ Ռուսաստանի Դաշնության նախագահի №894 հրամանագրով, որի արդյունքում միավորվեցին «РИА Новости»-ն և «Ռոսիա Գոլոս»-ը («Ձայնը Ռուսաստանի»), իսկ արդեն 2014-ին գործարկվեց Sputnik-ը՝ որպես համաշխարհային լրատվական գործակալություն:
Հիմնադիր կազմակերպությունը ներառում է մի շարք խոշոր մեդիա-բրենդեր՝ РИА Новости, Sputnik, Baltnews, InoSMI, PRIME, Ukraina.ru, Tok, Social Navigator, Arctic.ru։
«Ռոսիա Սեգոդնյա»-ն հրապարակում է նորություններ ավելի քան 30 լեզվով և պատրաստում ռադիոհաղորդումներ 19 երկրում՝ ունենալով 16 մուլտիմեդիա մամուլի կենտրոն, AR/VR ստուդիաներ և լայն թվային պորտֆոլիո։ Խմբի պատմությունը սկսվում է Սովինֆորմբյուրոյից (1941թ.), «Նովոստի» լրատվական գործակալությունից (1961թ.) և «ՌԻԱ Նովոստի»-ից (1990-ականներ), որոնք եղել են խորհրդային և ռուսական պետական հիմնական մեդիա գործիքներ։
Հայկական մասնաճյուղը գրանցված է որպես լրատվական գործակալություն, 2015 թվականից այն ղեկավարում է Դմիտրի Պիսարենկոն։ «Ռոսիա Սեգոդնյա» ՄՏԳ-ն իրականացնում է Sputnik Armenia-ի խմբագրական և բովանդակային կառավարումը, իսկ «Տոսպա» ռադիոընկերության խմբագրություն ՓԲԸ-ն պատասխանատու է տեխնիկական և արտոնագրային գործառույթների համար։
2023թ. վերջին Հայաստանի Հեռուստատեսության և ռադիոյի հանձնաժողովը 30 օրով կասեցրեց «Տոսպա»-ի արտոնագիրը՝ Sputnik Armenia-ի եթերում հեռարձակված վիճահարույց ծրագրերի պատճառով, որոնց հեղինակներից էին լրագրող Տիգրան Քեոսայանը (Մարգարիտա Սիմոնյանի ամուսինը) և նախկին պատգամավոր Արման Աբովյանը։ Այդ ծրագրերը եթերից հանելուց հետո՝ 2024թ. հունվարին, կասեցումը հանվեց։
«Ռոսիա Սեգոդնյա» ՄՏԳ-ն Հայաստանում արտացոլում է մայր կազմակերպության ռազմավարությունը․ այն համադրում է ավանդական մեդիա-բրենդերը ժամանակակից թվային հարթակների հետ՝ հասցնելու ռուսական պետական նարատիվները տեղական և միջազգային լսարաններին՝ միաժամանակ հարմարեցնելով իր գործունեությունը Հայաստանի հեռարձակման կանոններին և լեզվական պահանջներին։
Հիմնական փաստեր
| Բիզնեսի ձև | Պետական ֆինանսավորմամբ |
|---|
Սեփականություն
| Անհատ սեփականատեր |
|---|
Լրատվամիջոցներ
Այլ լրատվամիջոցներ
| Այլ առցանց լրատվամիջոցներ | arm.sputniknews.ru |
|---|
Փաստեր
| Այլ միջազգային բիզնեսներ | «Ռոսիա Սեգոդնյա» միջազգային մեդիա խումբ - հիմնադիր կազմակորպություն (Ռուսաստան) |
|---|
| Հիմնադրման տարեթիվ | 2014 Հայկական մասնաճյուղը գրանցվել է 2014 թվականին՝ հիմնադիր կազմակերպության՝ «Ռոսիա Սեգոդնյայի» ստեղծումից հետո։ Վերջինս յիմնադրվել է Ռուսաստանի Դաշնության նախագահի 2013 թվականի դեկտեմբերի 9-ի թիվ 894 հրամանագրով՝ «ՌԻԱ Նովոստիի» և «Ռուսաստանի ձայնի» հիման վրա։ումից հետո։ Վերջինս հիմնադրվել է Ռուս |
|---|---|
| Հիմնադիր |
|
| Կոնտակտային տվյալներ | Ամիրյան 4/7 «Իմպերիում պլազա» բիզնես կենտրոն, 4-րդ հարկ 0002 Երևան Տվյալները բացակայում են +374 10 600 131 www.arm.sputniknews.ru |
| Հարկային / նույնականացման համար | ԱՍ 02630364 ՀՀ արդարադատության նախարարության իրավաբանական անձանց պետական ռեգիստր |
| Եկամուտ | Տվյալները բացակայում են |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |
| Կառավարման Խորհուրդ |
|
|---|---|
| Այլ ազդեցիկ անձինք |
|