«Վարուժան Բաբաջանյան Սարգսի» ԱՁ
«Վարուժան Բաբաջանյան Սարգսի» ԱՁ-ն հիմնադրվել է 2001-ին։ Ընկերությանը պատկանող «Փաստ» օրաթերթը, սակայն, տպագրվել է ավելի ուշ՝ 2016-ից։ Տնտեսական գործունեության տեսակը՝ գովազդի տարածման հետ կապված գործունեություն։
Թերթի հիմնադիրն ու սեփականատերը Վարուժան Բաբաջանյանն է, որը զբաղվել է նաև քաղաքականությամբ։ 2017 թվականին Ազգային ժողովի ընտրություններում նա առաջադրվել է որպես Տավուշի մարզի վարկանիշային թեկնածու «Ծառուկյան» դաշինքից, սակայն չի եղել կուսակցության անդամ: Չնայած «Ծառուկյան» դաշինքը հայտնվեց խորհրդարանում, Բաբաջանյանը չանցավ՝ ցուցակի 41-րդ տեղում էր։
2017-ի ընտրություններից առաջ նա իր ֆեյսբուքյան էջում գրել էր, որ հրաժարական է տալիս «Փաստ» թերթի խմբագրական խորհրդի նախագահի պաշտոնից։
2018-ին Բաբաջանյանը հայտնել է, որ հեռանում է «Փաստ» թերթի խմբագրի պաշտոնից՝ այդ պաշտոնում առաջարկելով Արտակ Ճաղարյանի թեկնածությունը։ Այս պաշտոնը Բաբաջանյանը թողել է արդեն 2018-ի արտահերթ խորհրդարանական ընտրություններին մասնակցելու համար։ Այս անգամ ևս նա որպես անկուսակցական թեկնածու առաջադրվել է Տավուշի մարզում՝ «Բարգավաճ Հայաստան» կուսակցությունից։ Սակայն չի ընտրվել պատգամավոր։
Բաբաջանյանը մասնակցել է նաև 2021-ի ԱԺ արտահերթ ընտրություններին՝ առաջադրվել է «Բարգավաճ Հայաստան» կուսակցությունից, որին չի հաջողվել անցնել խորհրդարան։ Կենտրոնական ընտրական հանձնաժողովի ընտրական ցուցակում նրա անվան դիմաց նշված է, թե նա կուսակցության անդամ է, սակայն հետազոտության ժամանակ Բաբաջանյանը մեզ հայտնեց, որ չի եղել կուսակցության անդամ, մասնակցել է որպես անկուսակցական թեկնածու։
«Փաստ» թերթից բացի, Վարուժան Բաբաջանյանը հիմնադրել է նաև orer.am կայքը։ Մեկ այլ՝ oratert.am կայքը ևս գրանցվել է նրա կողմից։
Հիմնական փաստեր
| Բիզնեսի ձև | Առևտրային / շահույթ հետապնդող |
|---|---|
| Իրավական ձև | Անհատ ձեռնարկատեր |
Սեփականություն
| Անհատ սեփականատեր |
|---|
Լրատվամիջոցներ
Այլ լրատվամիջոցներ
| Այլ առցանց լրատվամիջոցներ | past.am orer.am oratert.am |
|---|
Փաստեր
| Հիմնադրման տարեթիվ | 2016 |
|---|---|
| Հիմնադիր |
|
| Աշխատակիցներ | 11 |
| Կոնտակտային տվյալներ | Հերացի 18 0025 Երևան Հայաստան pasttert@gmail.com +374 41 902 211 past.am |
| Հարկային / նույնականացման համար | Անհատ ձեռնարկատեր 70909566 ՀՀ արդարադատության նախարարության իրավաբանական անձանց պետական ռեգիստր |
| Եկամուտ | 29 136 349 դրամ/74 327 ԱՄՆ դոլար |
|---|---|
| Շահույթ | Տվյալները բացակայում են |
| Գովազդ (ընդհանուր ֆինանսավորման %) | Տվյալները բացակայում են |