«Վահան Թեքեյան» սոցիալ-մշակութային հիմնադրամ
«Վահան Թեքեյան» սոցիալ-մշակութային հիմնադրամը շահույթ չհետապնդող կազմակերպություն է, ստեղծվել է 2019 թվականին։ Հիմնադրամը համագործակցում է թե՛ տեղական, թե՛ միջազգային կազմակերպությունների հետ։
ժամանակի ընթացքում տարբեր ընկերություններ են իրականացրել «Ազգ» թերթի լրատվական գործունեությունը։ Մասնավորապես, 2000 թվականին հիմնադրվել է «Ազգ օրաթերթ» ՍՊԸ - ն, որը թերթի մինչև 2018 թվականի համարներում նշվում է որպես լրատվական գործունեություն իրականացնող։
Իրավաբանական անձանց պետական ռեգիստրում «Ազգ օրաթերթ» ՍՊԸ - ի վերջին թարմացման համաձայն՝ (2012) ընկերության ամենամեծ բաժնետերը (80%) Արմեն Աբրահամյանն էր՝ Ռուսաստանի հայերի միության նախագահ Արա Աբրահամյանի եղբայրը, որը երկար տարիներ աշխատել է հարկային համակարգում, եղել է ԱԺ պատգամավոր (2007-2012) «Բարգավաճ Հայաստան» կուսակցությունից։ Նրան ամենամեծ մասնաբաժինը տրվել էր, քանի որ Արա Աբրահամյանը ժամանակին ֆինանսավորել էր թերթի հրատարակումը։
Հետագայում թերթի լրատվական գործունեությունն իրականացրել է «Թեքեյան փաբլիշինգ» ՍՊԸ - ն, որը հիմնադրվել է 2018 թվականին, իրական շահառուների վերջին հայտարարագիրը հրապարակված է 2022 թվականին, սակայն այժմ գործունեությունը ժամանակավոր դադարեցված է։ Ներկայում թերթը ֆինանսավորում է «Վահան Թեքեյան» սոցիալ-մշակութային հիմնադրամը», որն էլ հիմնադրվել է 2019-ին։
Այս փոփոխությունները պայմանավորված են «Ազգ» շաբաթաթերթի ֆինանսական դժվարություններով։ 2014 թվականի հունվարից թերթը ժամանակավորապես չէր տպագրվում ֆինանսական դժվարությունների պատճառով: Արա Աբրահամյանը դադարեցրել էր ֆինանսավորումը: Փետրվարից «Ազգը» տպագրվում է որպես շաբաթաթերթ։
«Վահան Թեքեյան» սոցիալ-մշակութային հիմնադրամի շահառուներն են կրթության, գիտության, մշակույթի, արվեստի, սպորտի, սոցիալական գովազդի արտադրության և (կամ) տարածման ոլորտներում գործունեություն իրականացնող իրավաբանական և ֆիզիկական անձինք, ուսանողներ և առանց ծնողական խնամքի մնացած, կյանքի ծանր պայմաններում գտնվող երեխաներ։ Հիմնադրամն իրականացնում է «Ազգ» շաբաթաթերթի լրատվական գործունեությունը:
Այն «Թեքեյան մշակութային միության» հետ համագործակցող, բայց առանձին կազմակերպություն է։
«Թեքեյան մշակութային միությունը» հիմնադրվել է 1947 թվականին Բեյրութում, այնուհետև այս կազմակերպությանն առնչվող կենտրոններ ու հիմնադրամներ են ստեղծվել թե՛Հայաստանում, թե՛ Հայաստանից դուրս:
Հիմնական փաստեր
| Բիզնեսի ձև | Ոչ առևտրային |
|---|---|
| Իրավական ձև | Ոչ առևտրային կազմակերպություն |
| Բիզնես ոլորտներ | Կրթություն, գիտություն, մշակույթ, արվեստ, առողջ ապրելակերպ, աջակցություն կյանքի ծանր պայմաններում գտնվող երեխաներին, երիտասարդական նախաձեռնություններ, սոցիալական գովազդի արտադրություն և (կամ) տարածում: |
Սեփականություն
| Անհատ սեփականատեր | |
|---|---|
| Խումբ / անհատ սեփականատեր |
|
Լրատվամիջոցներ
Այլ լրատվամիջոցներ
| Այլ առցանց լրատվամիջոցներ |
|---|
Փաստեր
| Հիմնադրման տարեթիվ | 2019 |
|---|---|
| Հիմնադիր |
|
| Կոնտակտային տվյալներ | այաթ-Նովա 21Ա 0001 Երևան Հայաստան info@azg.am +374-98-582-960 www.azg.am |
| Հարկային / նույնականացման համար | Հիմնադրամ 02818274 ՀՀ արդարատատության նախարարության իրավաբանական անձանց պետական ռեգիստր |
| Եկամուտ | 36,513,000 դրամ / 92,972.27 ԱՄՆ դոլար (2024) |
|---|
| Գործադիր խորհուրդ |
|
|---|
| Վերնագրեր |
| |
|---|---|---|
| Տվյալները հասանելի են | սեփականության մասին տվյալներ | |
| Մետատվյալներ | «Ազգ» շաբաթաթերթի հետ կապված հիմնական դժվարությունն այն էր, որ ժամանակի ընթացքում տարբեր ընկերություններ են իրականացրել թերթի լրատվական գործունեությունը, սակայն Իրավաբանական անձանց պետական ռեգիստրում այդ ընկերությունների վերաբերյալ տեղեկատվությունը թարմացված չէ։ ՀՀ պետական եկամուտների կոմիտեի կայքի տվյալներով այդ ընկերություններն այլևս չեն գործում։ Հետագայում թերթի լրատվական գործունեությունն իրականացրել է «Թեքեյան փաբլիշինգ» ՍՊԸ - ն, որը հիմնադրվել է 2018 թվականին, իրական շահառուների վերջին հայտարարագիրը հրապարակված է 2022 թվականին, սակայն այժմ գործունեությունը ժամանակավոր դադարեցված է։ Հոգաբարձուների խորհրդի անդամների՝ Հակոբ Ավետիքյանի և Սուրեն Սարգսյանի մասին կենսագրական տեղեկությունները հասանելի են հանրային աղբյուրներում և նրանց հրատարակած աշխատանքներում: «Վահան Թեքեյան» սոցիալ-մշակութային հիմնադրամի վերաբերյալ տեղեկությունները կարելի է գտնել հանրային փաստաթղթերում և ՀՀ Իրավաբանական անձանց պետական ռեգիստրում տեղադրված կանոնադրությունում: Թերթի տպաքանակը նշվում է յուրաքանչյուր համարի վրա, բայց առցանց տարբերակի լսարանի մասին տեղեկություններ չկան։ | |
| Աղբյուրներ |
| |
| Փաստաթղթեր (PDF) |
|