Գեղամ Գրիգորյան
Գեղամ Գրիգորյանը «Իրավունք Մեդիա» և «Իրավունք Թերթ» ՍՊԸ-ների տնօրենն է։ Նա նաեւ «Իրավունք Մեդիա» ՍՊԸ-ի 24% բաժնետերն է, «Սահմանադրական իրավունք միություն» կուսակցության նախագահության անդամ։
Գրիգորյանը կապված է եղել «Իրավունք» թերթի հետ առնվազն 2007 թվականից, երբ զբաղեցնում էր տնօրենի պաշտոնը։ «Սահմանադրական իրավունք միություն»-ում ծագած ներկուսակցական վեճի հետեւանքով «Իրավունք» թերթի հրատարակության դադարումից հետո Գեղամ Գրիգորյանը գլխավոր խմբագիր Հովհաննես Գալաջյանի հետ հայց էր ներկայացրել դատարան՝ պահանջելով վերականգնել իրեն պաշտոնում։ Դատարանը 2007 թվականի նոյեմբերի 20-ին որոշում էր կայացրել նրա օգտին։ Երբ «Իրավունքը» վերսկսեց հրատարակումը 2008 թվականի հունիսի 3-ին, Գրիգորյանը վերադարձավ որպես տնօրեն։
Սեփականության փաստաթղթերում անհամապատասխանություն կա՝ «Իրավունք Մեդիա» ՍՊԸ-ի կանոնադրության 2024 թվականի դեկտեմբերյան փոփոխության համաձայն՝ ընկերության 24%-ը պատկանում է Լևոն Գրիգորյանին (հայրանունը՝ Գեղամի)։ Սակայն 2025 թվականի իրական շահառուների հայտարարագրում Լևոն Գրիգորյանի անունը բացակայում է, և սեփականության 24% փաթեթը վերագրվում է Գեղամ Գրիգորյանին։ «Իրավունք» թերթում և «Սահմանադրական իրավունք միություն» կուսակցությունում գործունեությունից բացի, Գրիգորյանի մասին կենսագրական այլ տեղեկություններ հանրությանը հայտնի չեն։
Հասկանալի չէ, թե ինչու է երկու տարբեր անուն նշված սեփականության կառուցվածքում։
Մեդիա ընկերություններ / խմբեր
Լրատվամիջոցներ
Փաստեր
| Այլ՝ մեդիայի հետ առնչվող բիզնեսներ | Թերթերի հրատարակություն
Հրատարակչական այլ գործունեություն
|
|---|
| Փոխկապակցված շահեր (ընտանիք և ընկերներ) |
|
|---|