Սեդրակ Առուստամյան

Logo of Սեդրակ Առուստամյան

Սեդրակ Առուստամյանի անունը հաճախ կապվում է քաղաքական գործիչ և գործարար Գագիկ Ծառուկյանի հետ։ Նա ներգրավված է Ծառուկյանի բիզնեսներում՝ որպես փայատեր կամ տնօրեն։ Բացի այդ, Առուստամյանը եղել է նաև Ծառուկյանի վստահված կառավարիչը, երբ վերջինս պատգամավոր էր և իրավունք չուներ զբաղվել բիզնեսով։ Նրա դուստրը՝ Նորա Առուստամյանը, եղել է Ազգային ժողովի պատգամավոր «Բարգավաճ Հայաստան» կուսակցությունից, իսկ մինչ այդ՝ Ծառուկյանի օգնականը։


Առուստամյանը մի քանի անգամ հայտնվել է իրավապահների ուշադրության կենտրոնում։ Նա որպես ամբաստանյալ ներգրավված է Հակակոռուպցիոն քրեական դատարանում քննվող երկու գործով, որոնցից մեկում մեղադրյալ է նաև Գագիկ Ծառուկյանը։ Այս գործով նրանց մեղադրում են ընտրությունների ժամանակ ընտրողներին կաշառք տալու մեջ՝ «Բարգավաճ Հայաստանի» օգտին ձայներ ապահովելու նպատակով։ Գործի վերաբերյալ վերջնական որոշում դեռ չկա։


Բացի այդ, Առուստամյանը երկու քաղաքացիական գործով պատասխանող է Հակակոռուպցիոն դատարանում։ Դատախազությունը պահանջում է բռնագանձել նրա ունեցվածքը՝ գումարներ, անշարժ գույք և մեքենաներ։ Այս գործերից մեկում պատասխանող է նաև Գագիկ Ծառուկյանը։ Սեդրակ Առուստամյանը «Մուլտի մեդիա-կենտրոն թիվի» ՓԲ ընկերության տնօրենների խորհրդի անդամ է։ 


Այս ամենը վկայում է, որ Սեդրակ Առուստամյանն ու Գագիկ Ծառուկյանը սերտ բիզնես կապեր ունեն։ Հետևաբար, հասարակության շրջանում տարածված կարծիքը, թե «Կենտրոն» հեռուստաալիքի իրական շահառուն Ծառուկյանների ընտանիքն է, հիմնավորված է թվում։

Մեդիա ընկերություններ / խմբեր

Լրատվամիջոցներ

Փաստեր

Այլ լրատվամիջոցներ

Առցանց

affiliated_business_interests

Ձկնաբուծություն 

  • Էկոֆիշ թրեյդ ՍՊԸ (33%)

  • Ռապս ՍՊԸ (100%)

 

Էլեկտրաէներգիայի արտադրություն

  • Ջերմուկ տուրբոշին ՍՊԸ (40%)

 

Բեռնափոխադրումներ

  • Մուլտի ինտերտրանս ՍՊԸ (Տնօրեն)

 

Այլ մանրածախ առևտուր 

  • Մուլտի դայմոնդ ՍՊԸ (Տնօրեն)

  • Ափ վորլդ ինվեսթմենթ քափիթալ ՍՊԸ (100%)

 

Թուջի, պողպատի և ֆեռոհամահալվածքների արտադրություն 

  • Արսիլիցիում ՍՊԸ (Տնօրեն)

 

Ալկոհոլային խմիչքներ

  • Մուլտի ալկո ՍՊԸ (Տնօրեն)

 

Անտառային տնտեսություն 

  • Մուլտի էկո ՍՊԸ (Տնօրեն)

Փոխկապակցված շահեր (ընտանիք և ընկերներ)
  • Գարիկ Առուստամյան
    Սեդրակ Առուստամյանի որդին է։ Ներգրավված է հինգ ընկերություններում, որոնք զբաղվում են հանրային սննդի կազմակերպմամբ։ Ընկերություններից երկուսի գործունեությունը ժամանակավորապես դադարեցված է։ Գարիկ Առուստամյանը նաև պատասխանող է Հակակոռուպցիոն դատարանում քննվող գործով, որտեղ Դատախազությունը պահանջում է բռնագանձել Առուստամյանների ընտանիքին պատկանող ապօրինի ծագում ունեցող գումարներ, անշարժ և շարժական գույք։
  • Նորա Առուստամյան
    Նորա Արուստամյանը, Սեդրակ Արուստամյանի դուստրը, հետևել է քաղաքական կարիերայի ուղուն՝ առանց բիզնեսում ներգրավվելու։ Նա Գագիկ Ծառուկյանի օգնականն էր, երբ Ծառուկյանը ԱԺ պատգամավոր էր։, Հետագայում ընտրվել է ԱԺ պատգամավոր, «Բարգավաճ Հայաստան» կուսակցության անդամ է եղել։ Պարզ չէ այս պահին նա շարունակում է անդամակցել կուսակցությանը, թե ոչ։ Ի տարբերություն իր հոր և եղբոր, ովքեր բիզնես գործունեության հետ կապված իրավական գործընթացների մեջ են ներքաշված, Նորա Արուստամյանը որևէ ընկերությունում մասնակցի կամ տնօրենի կարգավիճակ չունի։ Նրա կարիերան ձևավորվել է Ծառուկյանի քաղաքական ցանցում։
  • Գագիկ Ծառուկյան
    Գագիկ Ծառուկյանը հայտնի գործարար և քաղաքական գործիչ է, «Բարգավաճ Հայաստան» կուսակցության հիմնադիր նախագահը։ Նա երկար տարիներ եղել է Ազգային ժողովի պատգամավոր և համարվում է Հայաստանի ամենահարուստ մարդկանցից մեկը։ «Հետք» առցնանց լրատվամիջոցի հրապարակումները մանրամասնում են Ծառուկյանի բազմաճյուղ բիզնես կայսրությունը, որը սկսվել է Աբովյանի շրջանից և տարածվել Հայաստանով մեկ, ինչպես նաև դրանից դուրս՝ նախկին խորհրդային և եվրոպական երկրներում։ Նրա բիզնեսների մեջ են մտնում «Մուլտի Գրուպ» կոնցեռնը, «Առինջ Մոլ» առևտրի կենտրոնը, «Արարատ» կոնյակի, գինու, օղու կոմբինատը և այլ ձեռնարկություններ։ 2021 թվականին Հայաստանի իշխանությունները Գագիկ Ծառուկյանից պահանջել են բռնագանձել ապօրինի ծագում ունեցող գույք՝ 79 անշարժ գույք, 42 տրանսպորտային միջոց, 86 մլրդ դրամ, ինչպես նաև բաժնետոմսեր 39 ընկերություններում։ «Կենտրոն» հեռուստաընկերության բովանդակությունը հուշում է հեռուստաալիքի կապը Գագիկ Ծառուկյանի հետ։ Այս ալիքով մշտապես լուսաբանվում է նրա գործունեությունը։ «Կենտրոն» հեռուստաալիքը Գագիկ Ծառուկյանի անվան հետ սկսեց կապվել 2004 թվականին, երբ այն գնեց Ծառուկյանի համագյուղացի, խնամի, ԱԺ պատգամավոր, ՀՀԿ խմբակցության անդամ Մուրադ Գուլոյանը, որը հետագայում դարձավ Գագիկ Ծառուկյանի ղեկավարած «Բարգավաճ Հայաստան» կուսակցության անդամ։ «Հետք» թերթի 2005 թվականի հոդվածում նշվում է՝ ««Կենտրոնի» պատասխանատուներից մեկը մեզ խոստովանեց, որ հաշվետու է միայն Գագիկ Ծառուկյանին: «Մուրադ Գուլոյան չկա»,-կենդանի, ապրող մարդու մասին բառացիորեն ասաց նա»։ 2025-ի տվյալներով, «Կենտրոն» հեռուստաալիքը տնօրինող «Մուլտի մեդիա-կենտրոն թիվի» ՓԲԸ-ի 100% բաժնետերը Սեդրակ Առուստամյանն է, որը Գագիկ Ծառուկյանի հետ բիզնես կապեր ունի։ Նա 1998-ից մինչև 2020-ի հունիսը եղել է «Մուլտի գրուպ» կոնցեռն ՍՊԸ-ի տնօրենը, իսկ ընկերության սեփականատերերն են Գագիկ Ծառուկյանը և նրա որդին։ Այս ընկերությունը Ծառուկյան ընտանիքի կարևոր ընկերություններից մեկն է։ Այս պահին Առուստամյանը մի շարք ընկերություններում, որոնք կապ ունեն Ծառուկյանների հետ, կամ փայատեր է, կամ տնօրեն։
Տվյալները հասանելի են
սեփականության մասին տվյալներ
Վերնագրեր
Մետատվյալներ

Սեդրակ Առուստամյանի մասին տեղեկատվություն հնարավոր է գտնել բաց աղբյուրներում: Կենսագրական տվյալները հրապարակվել են Ծառուկյան ընտանիքին պատկանող «Մուլտի Գրուպ» կոնցեռնի կայքում, իսկ լրացուցիչ տեղեկություններ ստացվել են լրատվամիջոցների հրապարակումներից, պետական ռեգիստրներից: Ծառուկյան ընտանեկան բիզնեսի պաշտոնական կայքում տեղեկատվության հասանելիությունը ևս մեկ անգամ հաստատում է Առուստամյանի և Ծառուկյան միջև սերտ կապը։

Աղբյուրներ
Փաստաթղթեր (PDF)
  • Multi Media-Kentron TV CJSC profile (Armenian)
    File
  • Multi Media-Kentron TV CJSC Beneficial ownership declaration (Armenian)
    File
  • Multi Media-Kentron TV CJSC CEO (Armenian)
    File
  • Multi Media-Kentron TV CJSC charter (Armenian)
    File
  • MOM request to Kentron TV (Armenian)
    File
  • Multi Media-Kentron TV CJSC financial report (Armenian)
    File
  • Kentron TV response to MOM request (Armenian)
    File