Խումարյանների ընտանիք
Խումարյանների ընտանիքը կապվում է մեդիա ոլորտի ու հատկապես ռադիոյի հետ։
1967 թվականից Կորյուն Խումարյանի գործունեությունը կապված է եղել Հայաստանի ռադիոհեռարձակման ոլորտի հետ։ 1999-ից նա ղեկավարել է մասնավոր «Իմպուլս-Մայակ» ռադիոկայանը՝ նպատակ ունենալով Հայաստանում ստեղծել առաջին «խոսող ռադիոն»։ Քանի որ ռադիոն հաճախ ասոցացվում է երաժշտության հետ, տարիներ հետո Խումարյանների հիմնադրած «Լրատվական ռադիոն», որը հիմա հայտնի է «Գործարար ալիք» անունով, ընտրել է հենց «Երգելու ժամանակ չկա» կարգախոսը։
Կորյուն Խումարյանի կինը՝ Ալլա Աբովյանը, արդեն երկար տարիներ աշխատում է Հայաստանի հանրային ռադիոյում՝ որպես հաղորդավար։
Ամուսնու մահից հետո՝ 2021-ից, Ալլա Աբովյանը «Գործարար ալիք»-ը հեռարձակող «Իմպուլս» ՍՊԸ-ի միակ սեփականատերն է։
Կորյուն Խումարյանի երկու որդիները՝ Գարեգինն ու Դավիթը ևս ռադիոհեռարձակման ոլորտից են։ Ավագ որդին՝ Գարեգին Խումարյանը, եղել է «Իմպուլս» ռադիոընկերության, ապա՝ «Լրատվական ռադիոյի» ծրագրերի տնօրեն, 2019-2024 թվականներին զբաղեցրել է Հայաստանի հանրային ռադիոյի տնօրենի պաշտոնը։ Նա նաև «Իմպուլս կաբելային ցանցեր» ՍՊԸ-ի 80% սեփականատերն է։
Դավիթ Խումարյանն էլ 2020-ից փոխարինել է հորը «Իմպուլս» ՍՊԸ-ի գործադիր տնօրենի պաշտոնում։ Այլ լրատվամիջոցում աշխատելու փորձ չունի։
Գարեգին Խումարյանի կինը՝ Լիաննա Խաչատրյանը, «Գործարար ալիքի» գլխավոր խմբագիրն է, թղթակցել և թղթակցում է տարբեր լրատվամիջոցների։ Իսկ Դավիթ Խումարյանի կինը՝ Գայանե Ավետիսյանը, զբաղվում է լուսանկարչությամբ։
Մեդիա ընկերություններ / խմբեր
Լրատվամիջոցներ
Փաստեր
| Այլ լրատվամիջոցներ | Online
|
|---|---|
| affiliated_business_interests | Հաղորդակցություն
|
| Փոխկապակցված շահեր (ընտանիք և ընկերներ) |
|
|---|